ہرے دھنیے کے چند ناقابل یقین فائدے

معدہ کو بھی قوت دیتا ہے اور دستوں کو بند کرتا ہے۔ اس کی کلی منہ کے جوش اور گلے کے درد کو نافع ہے۔ دھنیا سبز کا پانی آنکھ میں ٹپکانے سے چیچک کا آبلہ آنکھ میں نہیں پڑتا۔ بھنا ہوا دھنیا نفح شکم‘ بدہضمی اور کثرت شہوت کو دور کرنے کیلئے سفوف بنا کر کھلاتے ہیں-

دھنیا بھی ہمارے باورچی خانہ کی ایک شے ہے اور اللہ تعالیٰ نے اس میں کیا خواص رکھے ہیں ان سے اکثر لوگ واقف نہیں۔ مزاج کے لحاظ سے یہ سرد خشک درجہ دوم ہے۔ اندرونی طور پر یہ کاسرالریاح‘ مفرح‘ مقوی دل و دماغ ہے۔ معدہ کو بھی قوت دیتا ہے اور دستوں کو بند کرتا ہے۔ اس کی کلی منہ کے جوش اور گلے کے درد کو نافع ہے۔ سبزدھنیا کا پانی آنکھ میں ٹپکانے سے چیچک کا آبلہ آنکھ میں نہیں پڑتا۔ بھنا ہوا دھنیا نفخ شکم‘ بدہضمی اور کثرت شہوت کو دور کرنے کیلئے سفوف بنا کر کھلاتے ہیں۔

مثانہ کی گرمی کیلئے لاجواب نسخہ
یہ نسخہ دکاوت حس کو دور کرنے کیلئے ہے۔
ھوالشافی: مغز دھنیا بیس تولہ‘ مصری کوزہ بیس تولہ‘ (یاکھانڈ) ان دونوں اشیاءکو الگ الگ کوٹ کر آپس میں ملالیں۔ یہ دوا دکاوت حس کو دور کرنے کیلئے ایک لاجواب دوا ہے۔ اس کے استعمال سے پوٹاشیم برومائیڈ کی طرح دل و دماغ کمزور نہیں ہوتے بلکہ اس کے برعکس ان کو تقویت پہنچتی ہے۔ نظر کی کمزوری‘ بینائی کا دھندلا پن‘ سرکادرد‘ چکر‘ نیند کا نہ آنا وغیرہ امراض اور اکثر وہ امراض جو جوانی کی غلط کاریوں یا جریان و احتلام کے نتیجہ میں لاحق ہوا کرتے ہیں۔ اس دوا کے استعمال سے بہت جلد دور ہوجاتے ہیں۔ علاوہ ازیں احتلام کیلئے یہ دوا نہایت مفید ہے۔ جریان کیلئے بھی فائدہ مند ہے اور مقوی معدہ بھی ہے۔ اس کی خوراک 6 ماشہ دوا صبح کے وقت بغیر کچھ کھائے پئے‘ رات کے باسی پانی سے نوش کریں اور اس کے بعد ایک گھنٹہ تک کچھ نہ کھائیں۔رات کو 6 ماشہ خوراک سہ پہر کے رکھے ہوئے پانی سے پھانک لیں۔ رات کا کھانا اس کے دو گھنٹہ بعد کھائیں۔ اس سلسلہ میں ایک اور نسخہ یہ ہے کہ موصلی سفید 5 تولہ‘ مصری پانچ تولہ کوٹ چھان کر سفوف بنائیں۔ خوراک 3ماشہ سے 5 ماشہ تک حسب حالات و مزاج استعمال کریں۔ اس سے منی کی حدت رفع ہوجاتی ہے‘ دکاوت حس کی اصلاح ہوجاتی ہے اور احتلام کیلئے شرطیہ مفید ہے۔ مقوی باہ ہے‘ مادہ تولید کی پیدائش بڑھانے میں ازحد مفید ہے۔

سردرد: سردرد بعض دفعہ گرمی سے ہوتی ہے اس کیلئے یہ نسخہ بہت مفید ہے۔ دھنیا خشک 6 ماشہ‘ آملہ خشک 3 ماشہ‘ رات کو مٹی کے کوزہ میں بھگودیں‘ پاو بھر پانی ہو‘ صبح مل چھان کر مصری ملا کر پی لیں۔ سردرد بوجہ گرمی کیلئے ازحد مفید ہے۔

دوسرا نسخہ: دھنیا خشک 10 تولہ کوٹ لیں اور اس کو ایک سیر پانی میں آگ پر پکائیں جب پک کر 6 چھٹانک پانی رہ جائے تو اتار لیں۔ اس کو چھان کر 6 چھٹانک مصری ملا کر پکائیں۔ گرمی اور دماغ کی کمزوری کی وجہ سے اچانک آنکھوں کے آگے اندھیرا سا چھا جاتا ہے اس کیلئے یہ بہت مفید ہے۔

آشوبِ چشم
اگر آنکھیں گرمی کی وجہ سے دکھتی ہوں جس کی شناخت یہ ہے کہ اول تو گرمی کے موسم میں دکھیں گی۔ دوسرے آنکھوں میں سے پانی نہیں نکلے گا بلکہ خشک حالت میں ہی دکھتی ہوں گی اور تیسرے آنکھوں کو گرمی سی محسوس ہوگی گویا مریض کو جلتی ہوئی معلوم ہوں گی‘ اس کیلئے عمدہ اور مفید نسخہ ہے: سبز دھنیا ایک تولہ اور کافور ایک ماشہ باریک پیس کر ململ کے صاف کپڑے میں پوٹلی باندھ کر آنکھوں پر اس طریقہ سے پھیریں کہ پانی کی بوندیں آنکھ کے اندر بھی چلی جائیں۔ اس طرح فوراً ٹھنڈک پڑجائےگی اور آنکھیں درست ہوجائینگی۔

نکسیر
نکسیر کا خون بند کرنے کیلئے سبز دھنیا کا پانی لے کر مریض کو سنگھائیں۔ نیز سبز پتے باریک پیس کر پیشانی پر لیپ کریں۔ گرمی کی وجہ سے ناک کے راستے سے بہنے والا خون رک جائیگا۔

خشک کھانسی
مغز دھنیا لے کر ان کو کوٹ چھان لیں۔ یہ سفوف ڈیڑھ ماشہ 6 ماشہ شہد میں ملا کر چاٹ لیں۔

بھوک کی کمی
اگر بھوک بہت کم لگتی ہو تو سبز دھنیا کا رس نکال کر 2 تولہ روزانہ پلائیں۔ تین روز میں بھوک چمک اٹھے گی۔

قے
قے اگر کسی طرح بند ہونے میں نہ آتی ہو تو سبز دھنیا کا پانی تھوڑے تھوڑے وقفے سے ایک ایک گھونٹ پلائیں۔

عارضہ دل
دل تیز دھڑکتا ہو تو دھنیا پانچ تولہ میں مصری پانچ تولہ ملا کر کوٹ چھان لیں۔ روزانہ 6 ماشہ ہمراہ تازہ پانی کیساتھ نوش کریں یا ایک تولہ دھنیا کوٹ کر رات کے وقت مٹی کے کورے پیالہ میں آدھ سیر پانی ڈال کر بھگو دیں۔ صبح چھان کر شکر یا مصری ملا کر نوش کریں۔

شدت پیاس
دھنیا خشک 2 تولہ کوٹ کر مٹی کے کورے کوزے میں آدھ سیر پانی میں بھگودیں۔ صبح کے وقت مل چھان کر مصری ملا کر مریض کو تھوڑا تھوڑا کرکے پلائیں۔ پیاس بندہوگی خواہ گرمی کے بخار کی وجہ سے ہو یا ویسے۔

Coriander leaves are opulent with lots of nutritional benefits. It is used in many foods in Western and Oriental food cuisines but in different ways. It's green leaves are beneficial face, kidney, hair and skin. Coriander is also called "Cilantro". It is a huge source of dietary fiber, magnesium, iron and mangnese. Its leaves contain vitamin K, C and big amount of proteins.

Read more exclusive advantages of coriander in Urdu here and see how can you use it.

See also:
Curry Leaves Benefits

Tags : Hara Dhaniya Ke Fayde Coriander Benefits in Urdu

By Aqib Shehzad    |    In Health and Fitness   |    1 Comments    |    28211 Views    |    17 Dec 2018

Comments/Ask Question

Thanks to nature for coriander . It's leaves are good in taste and we can chew it happily. I like putting some leaves on salan like nihari, daal, dahi curry

Dec 26, 2015 Suboohi

Read Blog about ہرے دھنیے کے چند ناقابل یقین فائدے and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (ہرے دھنیے کے چند ناقابل یقین فائدے) and how to utilize other natural ingredients to cure diseases, easy recipes, and other information related to food from KFoods.