نہ باپ زندہ تھے نہ ٹھیک سے بول سکتا تھا.. منا بھائی سے مشہور ہونے والے بومن ایرانی کی نجی زندگی سے متعلق چند باتیں

کبھی تو انسان کی پوری زندگی محنت کرتے گزر جاتی ہے لیکن کبھی محنت ایسے رنگ لاتی ہے کہ پچھلی زندگی کے سارے دکھ مٹ جاتے ہیں۔ یہی کچھ ہوا منا بھائی سے شہرت پانے والے بومن ایرانی کے ساتھ جن کی زندگی ایک فلم سے بدل گئی۔

"پیدا ہوا تو باپ کا انتقال پہلے ہی ہوچکا تھا۔ والدہ گھر کا خرچہ چلانے کے لئے بہت محنت کرتی تھیں. میں پڑھتا تھا پھر کم عمری میں ہی نوکری کرنے لگا"

یہ کہنا ہے بالی وڈ کے منجھے ہوئے اداکار بومن ایرانی کا جو منا بھائی ایم بی بی ایس سمیت کئی فلموں میں شاندار اداکاری کے جوہر دکھا چکے ہیں۔

بومن ایرانی کا شمار ان افراد میں ہوتا ہے جن کو کامیابی حاصل کرنے کے لئے کڑی محنت کرنی پڑتی ہے۔ اپنے حالیہ انٹرویو میں انھوں نے انکشاف کیا کہ شوبز میں آنے سے پہلے ان کی زندگی اتنی آسان ہر گز نہیں تھی جتنی اب ہے۔

بچپن میں بول نہیں پاتا تھا

اتنا نہیں بلکہ انھوں نے انکشاف کیا کہ بچپن میں بات کرنے میں بھی دقت ہوتی تھی جس کا حل انھوں نے گانا گانے میں ڈھونڈا۔ وہ گانا گا کر اپنی اسپیچ تھیراپی خود کیا کرتے تھے۔ ایک بار جب ان کی والدہ کا ایکسیڈنٹ ہوا تو تب انھیں گھر چلانے کے لئے دکان داری کرنی پڑی۔

ماں کا ایکسیڈنٹ ہوا تو..

البتہ انھیں جلد احساس ہوگیا کہ وہ فوٹوگرافی کا شوق رکھتے ہیں۔ وہ فوٹوگرافی کرتے رہے اور چھوٹے موتے کردار بھی کرتے رہے لیکن منا بھائی میں اہم کردار ملنے کے بعد ان کی زندگی مکمل طور پر تبدیل ہوگئی