دل کی صحت اچھی کرنے سے لے کر بالوں کا حسن بڑھانے تک۔۔ عام سے خشک دھنیا کے بے مثال فائدے

گھر کے مصالحوں میں ایک مصالحہ سوکھا دھنیا بھی ہوتا ہے جسے پیس کر اور ثابت کھانوں میں ڈالا جاتا ہے۔ یہ دراصل دھنیا کے بیج ہوتے ہیں اور صحت کے لئے بیش بہا فائدے رکھتے ہیں۔ آئیے جانتے ہیں خشک دھنیا کے چند فائدے۔

سوکھا دھنیا خون میں کولیسٹرول کی سطح کم کرنے میں مددگار ہے اس وجہ سے انھیں دل کی صحت کے لئے اچھا سمجھا جاتا ہے۔

خشک دھنیہ نظام ہاضمہ کو بہتر بناتا ہے اس کے علاوہ پیاس کی شدت کو قابو کرتا ہے اور متلی کی کیفیت کو ختم کرتا ہے۔ معدے کی بیماریوں بشمول گیس، اپھارہ اور پیٹ کے درد میں آرام دیتا ہے۔

اگر کسی کے ہونٹوں کا رنگ سیاہی مائل ہے تو اسے چاہیے خشک دھنیے کے دانے پیس کر لیموں کا رس ملا کر ہونٹوں پر لگائے۔ چند دن یہ عمل کرنے سے ہونٹوں کا رنگ گلابی ہوجائے گا۔

خشک دھنیے کے پاؤڈر کواپنے استعمال کے تیل میں ڈال لیں اور ہفتے میں دو بار بالوں کا مساج اس تیل سے کریں۔ سر کی خشکی دور کرے گا بال جھڑنا بند ہوجائیں گے اور لمبے خوبصورت ہوجائیں گے۔

دھنیا کے بیجوں میں کچھ مرکبات اینٹی بیکٹیریل خصوصیات کو ظاہر کرتے ہیں۔ یہ خصوصیات بیکٹیریل انفیکشن سے لڑنے اور مجموعی طور پر مدافعتی صحت کو فروغ دینے میں معاون ثابت ہو سکتی ہیں۔ اس کے علاوہ یہ جلد کے انفیکشن کو کم کر کے دانوں سے نجات دے سکتے ہیں۔

دھنیا کو روازانہ تھوڑی مقدار میں خوراک کا حصہ بنایا جاسکتا ہے۔ اس کا پانی بنا کر بھی پیا جاسکتا ہے۔ یہ چربی پگھلا کر وزن کم کرنے میں معاون ہے ساتھ ساتھ فرحت اور تازگی کا احساس بھی دیتا ہے۔