خواتین کو ہرنیا کیوں ہوتا ہے؟ ڈاکٹر کی بتائی گئی اہم معلومات جو ہر خواتین کو لازمی معلوم ہونی چاہیئے

خواتین کی صحت ہر صحت مند گھرانے کے لئے بہت زیادہ ضروری ہے، کیونکہ یہی گھر کو بہتر طور پر سنبھال سکتی ہیں۔ مگر ان کو مختلف مسائل کا سامنا کرنا پڑتا ہے جن میں ایک بڑا مسئلہ ہرنیا بھی ہے، جو کہ آج کل ہر دوسری خاتون کا مسئلہ بن گیا ہے۔ کوئی ہرنیا کا ایک مرتبہ آپریشن کر واچکی ہیں تو کچھ خواتین کئی بار اس کا ٹریٹمنٹ لے چکی ہیں، مگر یہ وقتاً فوقتاً بڑھ جاتا ہے، جبکہ اس ختم کرنے کے لئے جالی بھی لگوا چکی ہیں۔
اسی لئے آج ہم آپ کو کے فوڈز سے ڈاکٹروں کی بتائی گئی ایسی معلومات بتانے جا رہے ہیں جس کو جان کر آپ کو بھی معلوم ہو جائے گا کہ ہرنیا کیوں ہوتا ہے اور اس کی احتیاط کیا ہیں؟

ہرنیا کی وجوہات:

آپ نے اکثر سُنا ہوگا کہ خواتین کو گھر والے منع کرتے ہیں کہ زیادہ وزن نہ اٹھائیں، ہلکا پھلکا ضرور اٹھائیں لیک بھاری وزن کو کبھی نہ اٹھائیں، اس کی کوئی وجہ ہی ہوتی ہے، اور ڈاکٹر بھی بتاتے ہیں کہ: '' خواتین کو زیادہ وزن اٹھانے کی وجہ سے ہرنیا کی بیماری ہو جاتی ہے، اس کے علاوہ جب آپ کے پیٹ کے نچلے حصے شکم کے پٹھے کمزور ہو جاتے ہیں تو ان میں ٹشوز ٹوٹ پھوٹ کا شکار ہو جاتے ہیں، یہی وجہ ہے کہ ہرنیا کا مرض بڑھتا ہے، جب تک پٹھے مضبوط نہیں ہوتے یہ بیماری بڑھتی رہتی ہے۔ '' اور اس میں متاثرہ جگہ پر درد محسوس ہوتا ہے، جسمانی کمزوری یا معدے میں بھاری پن، جلن یا خارش، سینے میں درد، کھانا نگلنے میں مشکل اور سینے میں جلن وغیرہ زیادہ محسوس ہوتی ہے۔

احتیاط:

کوشش کریں کہ زیادہ وزن نہ اٹھائیں، ہلکی غذاؤں کا استعمال کریں، بازار کے کھانوں کو بلکل چھوڑ دیں۔ اس کے علاوہ کیسٹر آئل میں ایلویرا مکس کرکے ایک چمچ گرم پانی سے پھانک لیں۔ یہ ٹپ آپ کو کسی حد تک فائدہ دے گی، مگر ڈاکٹر کی بتائی گئی دوائیاں اور کھانوں کا استعمال متواتر کریں۔