کیا آپ جانتی ہیں جس پانی میں آپ انڈوں کو ابالتی ہیں وہ کتنا فائدہ مند ہے؟ فائدے جاننے کے بعد آپ بھی اسے کبھی پھینکیں گے نہیں

انڈے ہماری صحت کے لیے انتہائی ضروری غذا ہیں جو جسم کو پروٹین بھی فراہم کرتے ہیں اور طاقت بھی دیتے ہیں۔ ہمیں دن بھر کام کرنے کے لیے انرجی بھی دیتے ہیں اور ذہنی صلاحیتوں کو بڑھانے کے لیے بھی انڈہ ایک بھرپور اور مکمل غذا ہے۔

انڈے میں وہ تمام ضروری نامیاتی مرکبات پائے جاتے ہیں جو ہماری صحت کے لیے گرمی ہو یا سردی ہر موسم میں فائدے مند ثابت ہوتے ہیں۔ ابلا ہوا انڈہ اکثر ناشتے میں کھانا زیادہ پسند کیا جاتا ہے۔ صرف انڈہ ہی فائدے مند نہیں ہے بلکہ جس پانی میں آپ انڈے کو ابالتی ہیں وہ پانی بھی اپنی اہمیت کے لحاظ سے بہت مفید ہے۔

انڈہ ابالنے کے بعد پانی آپ پھینک دیتی ہیں تو ایسا ہر گز نہ کریں آج ہم آپ کو اس پانی کے کچھ فوائد اور استعمالات بتاتے ہیں۔

فائدہ مند کیوں؟

انڈے ابالتے وقت انڈے سے کچھ منرلز کا اخراج ہوتا ہے جوکہ پانی میں شامل ہوجاتے ہیں اور یہی منرلز آپ کو درج ذیل فائدے دیتے ہیں:
٭ ابلے ہوئے انڈے کا پانی ضائع کرنے سے بہتر ہے کہ گھر کے پودوں میں ڈال دیں ان کی نشوونما اچھی ہوجائے گی، یہ تیزی سے بڑھیں گے۔
٭ بالوں میں مہندی کا رنگ اچھا رچے، اس کے لئے مہندی کو ابلے انڈے کے پانی میں مکس کرکے استعمال کریں آپ کے بالوں میں مہندی کا تیز رنگ آجائے گا۔
٭ حسین جلد تو سب کو پسند ہوتی ہے اور فیشل بھی کرتی ہیں تو ایک دفعہ بیسن میں ابلے ہوئے انڈے کا اپنی سامل کرکے چہرے پر لگائیں پھر کمال دیکھیں۔