جب اللہ اور رسول ﷺ کا ذکر کرنے لگتی ہوں، رونا آجاتا ہے ۔۔ اداکارہ زارہ نُور عباس اپنا اللہ سے تعلق بتاتے ہوئے جذباتی ہوگئیں

زارہ نور عباس اکثر اپنی نجی زندگی اور ذات کے حوالے سے بات کرتے ہوئے رو پڑتی ہیں۔ سب سے پہلے یہ ٹی وی اسکرین پر شو کے دوران اس وقت روئیں جب اپنے ماضی اور دوسری شادی کے حوالے سے لوگوں کو حقیقت بتا رہی تھیں۔ اس کے بعد زارہ اپنے نومولود بچے کے حوالے سے بات کرتے ہوئے آبدیدہ ہوئیں جو پیدا ہوتے ہی کچھ لمحوں بعد اللہ کے گھر چلا گیا۔ حالیہ پوڈکاسٹ میں زارہ اللہ تعالیٰ سے متعلق بات کرتے ہوئے جذباتی ہوگئیں۔

زارہ نے کہا کہ: " جب اللہ اور اس کے رسول ﷺ کا ذکر کرتی ہوں میری آنکھوں میں آنسو آ جاتے ہیں، میں بے اختیار رو پڑتی ہوں لیکن مجھے سکون بھی محسوس ہوتا ہے، وہ وقت سب سے زیادہ ناقابلِ بیان ہوتا ہے، جب کوئی نہیں سنتا لیکن یہ اطمینان ہوتا ہے کہ اللہ ہی ہے جو سن رہا ہے جو دیکھ رہا ہے جو بات کر رہا ہے، مجھے سمجھ رہا ہے۔ زندگی کے بُرے وقت میں انسان نہیں خُدا ساتھ دیتا ہے وہ آزمائشوں سے ہمیشہ جانچ رہا ہے۔ "

زارہ نے مزید کہا کہ: " لوگوں کو یہ معلوم ہی نہیں ہوتا کہ ان کو اپنی زندگی میں کیا کرنا ہے اور کس طرح کرنا ہے، ہمیں جب تک زندگی کا مقصد نہیں معلوم ہوگا آگے بڑھنا مشکل ہے۔ بعض اوقات میں بھی اپنے فیصلے نہیں لے پاتے نہ مجھے اندازہ رہتا کہ کیا کرنا چاہیے۔