کھانسی ہو یا زکام اب پائیں پیاز کی چائے سے آرام وہ بھی اس آسان ٹپ سے !

پیاز ایسی سبزی ہے جس کے بٖغیر کھانا بننا تو ممکن نہیں ہے بلکل اسی طرح یہ ہماری صحت اور دیگر معملات میں بہت زیادہ اہم سمجھی جاتی ہے۔ ماہرین غذائیت کہتے ہیں کہ پیاز میں وٹامن سی، میگنیشیم، آئرن، کاربوہائیڈریٹ، کولیسٹرول، پروٹینز اور زنک پائے جاتے ہیں جو نزلہ زکام اور کھانسی کے مرض میں آپ کو بہت مدد دیتے ہیں۔ کھانسی کی وجہ سے ہمارے پھیپھڑے درد کرنے لگتے ہیں ارو ہمیں سانس لینے میں بھی تکلیف محسوس ہونے لگتی ہے، اس میں پیاز کی چائے آپ کو نہ صرف سکون دیتی ہے ہے بلکہ کھانسی کو کم کرنے میں بھی خوب مدد دیتی ہے۔
آپ بھی اس سردی خؤد کو نزلے زکام اور کھانسی سے بچانے کے لئے پیاز کی چائے کا زبردست نسخہ اپنائیں اور آرام پائیں۔

اجزاء:
• باریک کٹی ہوئی ایک پیاز،
• ایک کالی مرچ،
• ایک چھوٹی الائچی،
• آدھا چمچ سونف،
• ایک چمچ شہد۔

طریقہ :
• دو کپ پانی میں ایک کٹی ہوئی پیاز ڈال کر اچھی طرح ابال لیں۔
• جب آپ دیکھیں کہ پیاز کا رنگ تبدیل ہورہا ہے تو اس میں کالی مرچ، الائچی اور سونف ڈال کر ایک جوش دے لیں۔
• لیجیئے تیار ہے آپ کی فوائد سے بھرپور پیاز کی چائے، اب اس میں ایک چمچ شہد ڈال کر مکس کریں اور پی لیں۔
• اس کو سردی کے موسم میں روزانہ خود بھی پیئیں اور بچوں کو بھی پلائیں اس سے سینے کی جکڑن بھی نہیں پہوگی اور جما ہوا بلغم بھی نکل باہر آئے گا۔