کچن میں 2 سگریٹ ہمیشہ رکھنے سے کیا ہوتا ہے؟ کچھ ایسی کمال کی ٹپس جو ہر گھر میں کام آئیں

سگریٹ کو دیکھ کر آپ بھی سوچ رہے ہوں گے کہ ہم آپ کو یہ کیا بتا رہے ہیں، اس کو رکھنے سے کیا ہوگا، لوگ تو اسے پینے کا ہی سوچیں گے ۔۔ لیکن ایسے خیالات کو دل سے نکالیں اور سگریٹ کے استعمال کا انوکھا طریقہ جان کر آپ بھی اس سے فائدہ اٹھائیں اور ساتھ ہی اپنے بڑے مسائل کو حل کرنے کی کوشش کریں۔

سگریٹ کو کچن میں رکھنے سے کیا ہوتا ہے؟

فائدہ:

٭ مچھر، مکھیوں، لال بیگوں، چوہوں، چھپکلیوں اور اُڑنے والے حشرات سے جان چھڑوانا چاہتے ہیں اور کچن کو گندگی سے پاک رکھنا چاہتے ہیں تو ہر وقت اپنے کچن میں 2 سگریٹ بتائے گئے طریقے سے رکھنا شروع کردیں تاکہ آپ بھی مکھیوں اور لال بیگوں کی وجہ سے ہزاروں روپے کی ادویات یا حشرات کو مارنے والے مہنگے سپرے خریدنے سے بچ جائیں۔

سگریٹ کیسے رکھنا ہے؟

٭ 2 سگریٹ کو توڑ کر ان کو ایک پیالی میں نکالیں، اس میں 4 چمچ پانی، 1 چمچ بیکنگ سوڈا اور 2 چمچ لال بیگ کو مارنے والا بازاری سپرے ڈال کر اچھی طرح مکس کرکے کچن میں رکھ کر چھوڑ دیں۔
٭ رات کے وقت کچن کے درمیان رکھ دیں فرش پر اور دن میں کونوں کی جانب رکھ دیں۔

فائدہ کیوں ہوگا؟

سگریٹ میں نیکوٹن اور تمباکو موجود ہوتا ہے جس کی خوشبو بہت زیادہ تیز ہوتی ہے۔ ان کو پانی، بیکنگ پاؤڈر اور لال بیگ مار دوائی کے ساتھ ملانے سے ایسی مہک پیدا ہوتی ہے جو ان حشرات کو اپنی جانب متوجہ کرتی ہے۔ جس کی وجہ سے ان ضدی چیزوں کو گھر سے نکالنے میں آسانی ہوتی ہے۔