پہلی تنخواہ سے پاپا کے لئے کرتا لائی تو.. بیٹی کا شادی کے دن مرے ہوئے باپ سے انوکھا اظہارِ محبت! ویڈیو دیکھیں

"میری پہلی سالگرہ سے 2 دن پہلے ہی پاپا کو پہلی بار دل کا دورہ پڑا تھا. ڈاکٹروں کا کہنا تھا کہ ان کے پاس 72 گھنٹے باقی ہیں۔ اس وقت میں کچھ بھی سمجھنے کے لیے بہت چھوٹی تھی لیکن ماں کہتی ہیں کہ ان کی قوت ارادی بہت مضبوط تھی۔ پاپا گھر آگئے اور پھر گھر والوں کے لئے کام کرنے لگے"

یہ کہنا ہے بھارت سے تعلق رکھنے والی پوجا کا جو اب ایک نامور صحافی ہیں۔ پوجا اپنی شادی کے دن مرحوم والد کو خراج تحسین پیش کرنے کے لئے ہاتھ میں ان کی تصویر تھامے میکے سے رخصت ہوئیں۔ دیکھیں

پوجا یہ ویڈیو شئیر کرتے ہوئے لکھتی ہیں کہ ان کے والد الوک ذیابیطس اور دل کے مریض تھے۔ وہ مقامی ریلوے میں کام کرتے تھے جہاں ان کی تنخواہ صرف تنخواہ 7000 تھی جبکہ گھر میں 4 افراد کھانے والے تھے۔ الوک گھر والوں کے لئے 10 روپے کی بچت کرنے کے لئے گھر سے پیدل ریلوے اسٹیشن تک جاتے تھے۔

پوجا کہتی ہیں ان کے والد نے انھیں پڑھانے کے لئے بہت محنت کی اور جب وہ پہلی نوکری کے سلسلے میں شہر سے باہر تھیں تب ان کے والد نے فرمائش کی کہ پہلی تنخواہ سے ان کو کرتا لا کر دوں۔ جب وہ گھر پہنچیں تو والد کی میت ان کے سامنے رکھی تھی۔ اس وقت وہ ٹوٹ گئیں۔

پوجا کہتی ہیں آج وہ صحافی ہیں، بیوی ہیں اور ماں بن چکی ہیں لیکن وہ اپنے والد کو آج بھی نہیں بھولیں۔