بیٹے کی وجہ سے نہیں بلکہ۔۔ زیبا بختیار نے تیسری شادی کیوں نہیں کی؟ پہلی بار وجہ بتا دی

Zaiba Bakhtyar Nay Teesri Shadi Kyun Nahi Ki

"میری دوسری شادی ختم ہونے کے بعد دوبارہ شادی نہ کرنے کی وجہ یہ نہیں تھی کہ میں ایک بچے کی ماں تھی، بلکہ حقیقت یہ ہے کہ مجھے کوئی صحیح شخص نہیں ملا۔ اگر ایسا ہوتا، تو میں ضرور شادی کر لیتی۔"

پاکستانی فلم اور ٹی وی انڈسٹری کی معروف اداکارہ زیبا بختیار نے اپنے زندگی کے اس پہلو پر کھل کر بات کی جس پر ان کے مداح عرصے سے سوالات کر رہے تھے۔ ایک حالیہ انٹرویو میں، زیبا بختیار نے شادی کے بارے میں اپنی رائے کا برملا اظہار کیا اور بتایا کہ وہ دوبارہ شادی کیوں نہیں کر سکیں۔

انہوں نے واضح کیا کہ ان کے لیے اصل مسئلہ ماں ہونا نہیں تھا، بلکہ انہیں ایسا شخص ہی نہیں ملا جس کے ساتھ وہ زندگی کا نیا سفر شروع کرنے کا فیصلہ کرتیں۔ ان کے مطابق، اگر انہیں کوئی صحیح جیون ساتھی ملتا تو وہ یقیناً شادی کر لیتیں، مگر حالات کچھ یوں رہے کہ وہ اس راستے پر دوبارہ نہ چل سکیں۔

یہ پہلا موقع نہیں جب زیبا بختیار نے اپنی ازدواجی زندگی پر بات کی ہو۔ گزشتہ برس ایک اور انٹرویو میں انہوں نے انکشاف کیا تھا کہ ان کی پہلی شادی محض 19 سال کی عمر میں ہوئی تھی، جو صرف ایک سال بعد طلاق پر ختم ہو گئی۔ اس کے بعد، انہوں نے شوبز انڈسٹری میں قدم رکھا اور گلوکار عدنان سمیع سے دوسری شادی کی، مگر یہ رشتہ بھی زیادہ عرصہ نہ چل سکا اور انجام کار علیحدگی پر منتج ہوا۔