دماغ میں خون کی روانی تیز کرنے والی سردیوں کی خاص سبزی.. جانیں ہرے لہسن کے انوکھے فائدے اور اسے لمبے عرصے تک محفوظ کرنے کا طریقہ

سردیوں میں ملنے والا ہرا لہسن ایسی سبزی ہے جو زائقے کے علاوہ صحت کے لئے بے حد مفید ہے. کسی تیز اثر دعا کا کام دکھانے والی یہ سبزی اپنے اندر کون سے فائدے چھپائے ہے اور اسے کس طرح ہم سال بھر کے لئے اپنے گھر میں محفوظ رکھ سکتے ہیں، آئیے جانتے ہیں

ذیابطیس، کولیسٹرول، بلڈ پریشر جیسی دائمی بیماریوں میں سبز لہسن کھانا بہت فائدہ مند ہے . ہرا لہسن بلڈ پریشر کو نارمل کرنے کے ساتھ ساتھ خراب کولیسٹرول کا خاتمہ کرتا ہے اور خون میں شکر کی مقدار کو بھی کم کرتا ہے.

ہرے لہسن میں موجود ایک خاص قسم کا سلفر جسے Allicin پایا جاتا ہے جو قوت مدافعت کو بڑھاتا ہے جس سے جسم میں موسمی بیماریوں سے لڑنے کی طاقت پیدا ہوتی ہے. موسمی نزلہ زکام سے بچنے کے لیے اس کو سوپ میں ضرور ڈالیں.

ہرا لہسن اینٹی بیکٹریل اور غیر سوزشی خوبیوں سے مالا مال ہے جس کی وجہ سے جوڑوں کت درد، اعضا کی سوزش، انفیکشن، سانس کی بیماریاں وغیرہ میں آرام ملتا ہے.

ہرے لہسن میں پولی سلفائیڈ اور میگنیز جیسے منرل پائے جاتے ہیں جو دل کی صحت کے لئے بھی مفید ہیں.

ہرے لہسن کی سب سے بہترین خوبی یہ ہے کہ یہ انسانی دماغ کے لئے بہترین ہے. ہرا لہسن دماغ میں خون کی روانی کو تیز اور بہتر کرتا ہے اس کے علاوہ اس میں اینٹی آکسائیڈینٹس پائے جاتے ہیں جو یاداشت کو بہتر بناتے ہیں، لہسن کھانے والوں کا دماغ دیگر افراد کی نسبت زیادہ بہتر انداز میں کام کرتا ہے۔

ہرا لہسن اینٹی سیپٹیک خصوصیات بھی رکھتا ہے جس کی وجہ سے زخم خراب نہیں ہوتے اور تیزی سے بھر جاتے ہیں.

ہرے لہسن کو سال بھر محفوظ رکھنے کے لئے انھیں دھوئے بغیر پھیلا کر کسی صاف کپڑے سے اچھی طرح پونچھ لیں. تمام ہرے لہسن کو باریک چاپ کر لیں. اب ایک بڑی ٹرے یا پلیٹ میں ٹشو بچھا کر لہسن کو اس پر بچھا دیں اور پلاسٹک کی شیٹ کو ٹرے پر سختی سے باندھ کر ٹرے فریزر میں رکھ دیں. 2 دن بعد نکالیں اور جمے ہوئے لہسن کو ائیر ٹائیٹ بیگ میں بھر کر دوبارہ فریز کردیں.