خوبصورت نوجوان کو ایسی بُری نظر لگی کہ ۔۔ بلوچستان کا ایماندار اسسٹنٹ کمنشر، جس کی موت پر پورا علاقہ رونے لگا

بلوچستان کے علاقے خاران سے تعلق رکھنے والے جمیل بلوچ نے اپنے بااخلاق رویے، بلند حوصلے اور درد مندی کی بدولت سب کی توجہ حاصل کر لی تھی۔ نوجوان کی مدد کا جذبہ، بڑوں کا ادب اور سماج میں کچھ کر دکھانے کا عزم لیے جمیل بلوچ اسسٹنٹ کمشنر نامزد ہوئے تھے۔

اساتذہ کے عالمی دن کی مناسبت سے بطور اسسٹنٹ کمشنر خضدار جمیل بلوچ شہید کا خطاب_
اساتذہ و طلباء و طالبات کے لیے ایک سبق آموز تقریر کہ وہ اخبار فروش کا بیٹا ہو کر کیسے آفیسر بنیں_ pic.twitter.com/BVaPLlmodK

لیکن بلوچستان کا بہادر بیٹا 12 نومبر کی صبح تیز رفتار کار حادثے میں اپنی جان گنوا بیٹھا، کوئٹہ سے صبح کے وقت اپنے گھر جاتے ہوئے سپنی روڈ تیز رفتار گاڑی بے قابو ہو کر بے نظیر پُل سے ٹکرا گئی، جس میں اسسٹنٹ کمشنر جمیل بلوچ انتقال کر گئے، جبکہ کزن اشفاق زخمی ہوگئے۔

30 سالہ جمیل بلوچ اسسٹنٹ کمشنر لورالائی تعینات تھے، جبکہ ساتھ ہی ڈپٹی کمشنر کا چارج بھی سنبھالے ہوئے تھے۔

لیکن دلچسپ بات یہ ہے کہ فرشتے کے روپ میں آنے والا یہ انسان اس لیے بھی عام انسان کی تکلیف محسوس کر سکتا تھا کیونکہ خود جمیل کے والد بھی اخبار فروش تھے۔

جمیل بلوچ کے والد اُن افسران کے پاس اخبار دینے جاتے تھے تو اب جمیل بلوچ کو جوابدہ ہیں۔ ایک تقریب کے موقع پر جمیل نے بتایا کہ میں فخر سے کہہ سکتا ہوں کہ میرا باپ اخبار بیچتا تھا، اخبار فروش والد نے مجھے بہترین تعلیم دی۔ میں ایک پاپڑ فروش بچے کو بھی پڑھایا آج وہ ایک بہترین ریاضی کا طالب علم بن کر ابھرا ہے۔

دوسری جانب جمیل کے بھائی سلیم جاوید نے بی بی سی اردو سے بات چیت میں اس بات کا بھی انکشاف کیا کہ ایک ماہ کے عرصے میں ہی جمیل کی شادی طے ہونا تھی مگر اللہ کو کچھ اور ہی منظور تھا۔

جمیل بچوں کو تعلی کی فراہمی اور تعلیم کی بحالی کے لیے ہر ممکن کوشش کرتے دکھائی دیتے تھے، جب ہی وہ تعلیمی اداروں چاہے وہ پھر پرائیوٹ ہو یا پھر سرکاری اسے سپورٹ کرتے دکھائی دیتے تھے۔