ڈیڈی کی کوئی گرل فرینڈ ہے؟ ندا یاسر کے بیٹے کا جواب سن کر صارفین آگ بگولہ ہوگئے، ویڈیو

Balaj Replies To Question About Father Yasir Nawazs Girlfriend

پاکستانی شوبز کے مقبول جوڑے نِدا یاسر اور یاسر نواز کی شادی کو 23 برس گزر چکے ہیں۔ ندا یاسر جہاں ایک معروف میزبان اور سابقہ اداکارہ کے طور پر پہچانی جاتی ہیں، وہیں یاسر نواز اپنی عمدہ اداکاری اور شاندار ہدایت کاری کے لیے مشہور ہیں۔ دونوں نے مل کر رونگ نمبر، مہرانسا وی لو یو، چکر سمیت کئی کامیاب فلمیں بنائیں اور شوبز میں ایک مضبوط پہچان قائم کی۔ اس خوشگوار جوڑے کے تین بچے ہیں: فرید، سِلا اور بلاج۔

دلچسپ بات یہ ہے کہ ندا یاسر نے کئی بار مذاقاً اعتراف کیا ہے کہ وہ اپنے شوہر کے حوالے سے کافی حد تک حساس ہیں، خاص طور پر جب وہ نوجوان ہیروئنز کے ساتھ کام کرتے ہیں۔ اسی دوران سوشل میڈیا پر یاسر نواز کے سب سے چھوٹے بیٹے بلاج کی ایک ویڈیو تیزی سے وائرل ہورہی ہے جس نے مداحوں کو چونکا دیا۔

وائرل کلپ میں ایک قریبی فیملی فرینڈ بلاج سے شرارتاً پوچھتا ہے، بالاج! کیا آپ کے ڈیڈی کی کوئی گرل فرینڈ ہے؟ معصوم بچے نے حیرانی سے جواب دیا، کیا وہ کوئی اور ماں ہے؟ اور فوراً کہا، نہیں۔۔۔

اس معصومانہ مکالمے نے مداحوں کو ہنسانے کے ساتھ ساتھ کئی کو غصہ بھی دلایا۔ صارفین اس سوال کو بچے کے لیے نامناسب قرار دے رہے ہیں۔ ایک نے کہا، "وقت سے پہلے بچے کو پکا کر دو۔" دوسرے کا کہنا تھا، "یہ آپ بچے سے پوچھ رہے یا سیکھا رہے ہیں؟ فرینڈ بھی ہوتی ہے۔" جبکہ کچھ نے یاسر نواز کی فطری شوخی اور ندا کی خدشات پر بھی تبصرے کیے ہیں۔