بہو کو کپڑے پسند کرنے نہیں دینا چاہیئے۔۔ صباء فیصل کے بیان نے نیا تنازعہ کھڑا کر دیا! فضاء علی نے کیا کرارا جواب دیا؟

Fiza Ali Criticize Saba Faisal

پاکستان کی مشہور اداکارہ صباء فیصل جو اپنی مضبوط اداکاری اور اسٹار فیملی کی وجہ سے پہچانی جاتی ہیں، حال ہی میں گڈ مارننگ پاکستان میں مہمان کے طور پر آئی تھیں اور بطور سسرالی والدہ اپنی ٹپس شیئر کیں۔

صباء فیصل نے اپنی بات میں کہا کہ ساس کو بہوؤں کے لباس کا انتخاب انہیں خود کرنے نہیں دینا چاہیے بلکہ ان کے مطابق کپڑے ساس کی پسند کے ہونے چاہئیں، کیونکہ پہلے دن سے لڑکی کو اپنی مرضی کے مطابق انتخاب کی اجازت دینا غلط فیصلہ بن سکتا ہے۔

انہوں نے مزید کہا کہ ان کے شوہر ہمیشہ کہتے ہیں کہ ساس سسر کے گھر خوش رہنے کے لیے کان بہرے اور زبان خاموش رکھنا ہی بہتر راستہ ہے۔

لیکن یہ باتیں سب کو پسند نہیں آئیں۔ فضا علی نے انسٹاگرام پر کہا کہ، کپڑے پسند کرنا ہر عورت کا حق ہے پھر چاہے وہ بیٹی ہو یا بہو ـــــ گھر تب خوشگوار ہوتا ہے جب وہاں عورت سکون سے رہے۔ فیصلے باہمی عزت اور محبت کے ساتھ ہونے چاہئیں۔ اگر عورت کو صرف خاموش رہنا پڑے تو وہ گھر نہیں بلکہ قید ہے۔

اسی طرح مامیا شجفر نے بھی کھل کر صباء فیصل کی تنقید کی اور کہا کہ، وہ اس بات پر فکر مند ہیں کہ صباء فیصل نے کیسی زندگی گزاری ہوگی جو وہ ٹی وی پر ایسے مشورے دے رہی ہیں۔