ایسے لوگوں کو بیوقوف نہیں بنایا جاسکتا ۔۔ جانیں بال انسان کی شخصیت کے بارے میں کیا کہتے ہیں؟ دلچسپ معلومات

انسان کے جسمانی خدوخال میں بہت سے راز پوشیدہ ہوتے ہیں جو ان کی شخصیت کو ظاہر کرتے ہیں جیسے کہ ناک، کان، ہونٹ اور آنکھیں۔۔ لیکن ایک اور اہم چیز ہے جو آپ کی شخصیت کے بارے میں بتاتی ہے اور وہ ہیں آپ کے بال۔

جی ہاں! بال کی مختلف حالتوں سے انسانی شخصیت کا جائزہ لیا جاسکتا ہے۔ اور آج ہم اسی حوالے سے کئے گئے "ہیئر ٹائپ ٹیسٹ" کے بارے میں آپ کو بتائیں گے، جس میں لہراتے (یعنی ویوی)، گھنگریالے (کرلی) اور سیدھے بالوں والے لوگوں کی شخصیت بتائی گئی ہے۔

سیدھے بال والے افراد:

سیدھے بالوں کے حامل افراد ایک بار کسی چیز کی خواہش کرلیں تو اسے پانے کیلیئے راستے میں آنے والی ہر مشکل کا سامنا کرنے کو تیار ہوتے ہیں اور اس معاملے میں وہ کسی کی نہیں سنتے جب تک کہ اس چیز کو حاصل نہ کرلیں۔ ایسے لوگ کسی بھی مشکل کا سامنا بہت اچھے طریقے سے کرتے ہیں بغیر کسی کو کوئی تکلیف پہنچائے۔ یہ لوگ حقیقت پسند ہونے کے ساتھ بہت صاف گو ہوتے ہیں اور کافی ملنسار، پرسکون اور خوبصورت بھی ہوتے ہیں۔

لہراتے (ویوی) بال والے افراد:

لہراتے بال والے افراد اپنے خیالات میں بہت کلیئر ہوتے ہیں ان کا ماننا یہ ہوتا ہے کہ جو بھی ان کی زندگی میں آ رہا ہے اسے آنے دو اور جو جانا چاہتا ہے اسے جانے دو کیونکہ وہ کسی کے راستے میں رکاوٹ نہیں بننا چاہتے۔ وہ اپنی توانائی کو ان چیزوں کے لیے بچاتے ہیں جن کے بارے میں وہ بہت پرجوش ہوں۔ یہ لوگ ان لوگوں سے دور رہتے ہیں یا چھوڑ دیتے ہیں جو انکی ترقی کی راہ میں رکاوٹ بنتے ہیں، ان کو اپنی آزادی بہت پسند ہوتی ہے۔

لہراتے بالوں کے حامل افراد کسی بھی مشکل میں ہار نہیں مانتے، نہ ہی کسی کی ہمدردی قبول کرتے ہیں بلکہ یہ اکیلے وقت گزارنا پسند کرتے ہیں۔ ان کے بارے میں کہا جاتا ہے کہ یہ بہت رومانٹک ہوتے ہیں۔

گھنگریالے بال والے افراد:

گھنگھرالے بال والے افراد اگر کچھ سوچ لیں تو فوراً اسے انجام دینے پر یقین رکھتے ہیں۔ یہ ایک وقت میں کئی کام کر سکتے ہیں۔ ان کو متاثر کرنا آسان نہیں ہوتا اور نہ ہی کوئی انہیں چکنی اور میٹھی باتوں سے رجھا کر بے وقوف بنا سکتا ہے۔ جبکہ اسکے برعکس یہ اپنی بات منوانا جانتے ہیں۔ ایسے لوگ آزادانہ سوچ اور پرکشش ہوتے ہیں۔

جن لوگوں کے بال گھنگھرالے ہوتے ہیں وہ آسانی سے دوست بنا لیتے ہیں اور سب سے گرمجوشی سے ملتے ہیں پر اپنے دل کی بات بتانے میں محتاط رہتے ہیں، کیونکہ وہ پہلے جاننا چاہتے ہیں کہ سامنے والا شخص قابل بھروسہ ہے یا نہیں۔ ایسے لوگ منافقت اور دوغلے پن کو پسند نہیں کرتے اور نہ ہی دھوکے بازوں کو معاف کرتے ہیں۔