لیپ ٹاپ کو گود میں رکھ کر کام کرنے کی عادت کیسے آپ کو اولاد سے محروم کرسکتی ہے؟ چند عام عادتیں جن کی وجہ سے لوگ بانجھ پن کو خود دعوت دے بیٹھتے ہیں

لوگوں کی گود میں ہنستے مسکراتے بچے دیکھنا اور پھر اپنی خالی گود کو تکنے کا دکھ وہی محسوس کرسکتا ہے جس نے کبھی یہ صورتحال جھیلی ہو۔ ہر شخص اولاد چاہتا ہے لیکن کبھی کبھی ہماری اپنی ہی غلطیاں ہوتی ہیں جن کی وجہ سے ہم ہمیشہ کے لئے خود کو اس نعمت سے محروم کرلیتے ہیں۔ اس آرٹیکل میں آپ کو ایسی ہی چند عام عادتوں کے بارے میں بتایا جائے گا جن سے مردوں میں بانجھ پن بڑتا جارہا ہے۔

لیپ ٹاپ گود میں رکھ کر بیٹھنے کی عادت

اگرچہ لیپ ٹاپ کے نام سے ہی ظاہر ہوتا ہے کہ اسے گود میں رکھ کر استعمال کیا جاتا ہے لیکن حالیہ تحقیق نے اس کے سنگین ترین نتائج سے بھی آگاہ کیا ہے۔ 2005 میں، سٹونی بروک کی سٹیٹ یونیورسٹی آف نیویارک کی تحقیق کے مطابق سائنس دانوں نے انکشاف کیا ہےکہ لیپ ٹاپ سے نکلنے والی شعاعیں مردوں کے تولیدی اعضاء کا درجہ حرارت بڑھا دیتے ہیں اور ان کی اسپرم پیدا کرنے کی صلاحیت کم ہوتے ہوتے معدوم ہوجاتی ہے۔

موبائل فون جیب میں رکھنا

وائی فائی کی شعاعیں سارا دن ہمارے جسم کے آر پار ہوتی رہتی ہیں جس سے ہمارے جسم کو ناقابلِ تلافی نقصان پہنچتا ہے۔ اسرائیل میں کی گئی تحقیق کے مطابق ایسے مرد جو جیب میں موبائل رکھنے کے عادی ہیں ان میں اسپرم پیدا کرنے کی صلاحیت بہت زیادہ متاثر ہوئی ہے۔

ٹائٹ پتلون پہننا

یہ خاص طور پر صرف مردوں کے لئے نہیں بلکہ خواتین کے لئے بھی خطرناک ہے۔ تنگ زیرِ جامے اور جینز کی پینٹ تولیدی اعضاء میں ییسٹ انفیکشنز اور بیکٹیریل انفیکشنز کی وجہ بنتے ہیں۔ یہ انفیکشنز بعد ازاں مرد اور خواتین دونوں میں بانجھ پن کے خطرات بڑھاتی ہیں۔

By Khush Bakht  |   In News  |   0 Comments   |   476 Views   |   09 Oct 2022
Related Articles
Top Trending
Comments/Ask Question

Read Blog about لیپ ٹاپ کو گود میں رکھ کر کام کرنے کی عادت کیسے آپ کو اولاد سے محروم کرسکتی ہے؟ چند عام عادتیں جن کی وجہ سے لوگ بانجھ پن کو خود دعوت دے بیٹھتے ہیں and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (لیپ ٹاپ کو گود میں رکھ کر کام کرنے کی عادت کیسے آپ کو اولاد سے محروم کرسکتی ہے؟ چند عام عادتیں جن کی وجہ سے لوگ بانجھ پن کو خود دعوت دے بیٹھتے ہیں) and how to utilize other natural ingredients to cure diseases, easy recipes, and other information related to food from KFoods.