ہم کبھی ذہنی دباؤ کا شکار ہوتے ہیں یا کبھی ہمارے پیٹ میں درد رہتا ہے تو کیا آپ لوگ جانتے ہیں اگر آپ ہاتھ کے کچھ خاص حصوں پر مساج کرنے سے ان پریشانیوں سے نجات حاصل کرسکتے ہیں؟

'ہماری ویب' ڈاٹ کام کے اس آرٹیکل میں آپ کو ہاتھ کے ایک مخصوص پریشر پوائنٹ کے حوالے سے بتائیں گے جن کو دبانے سے آپ کو راحت ملے گی۔

اگر آپ کو متلی کی شکایت ہے یا پھر آپ کا پیٹ درد کررہا ہے تو اس کا آسان علاج آپ خود بھی کرسکتے ہیں۔ آپ اپنی کلائی سے 3 سینٹی میٹر دور ایک پوائنٹ پراپنے انگوٹھے سے مساج کریں اور اس پریشر پوائنٹ پر تھوڑا زور دیں۔ یہ مساج آپ نے تقریبا پانچ منٹ تک جاری رکھنا ہے۔

ہاتھ پر موجود اس پریشر پوائنٹ کو نی گوان کہا جاتا ہے۔

اس پریشر پوائنٹ پر روز مساج کرنے سے آپ کو پیٹ کے درد، متلی اور بےوجہ کی بے چینی کی شکایت نہیں ہوگی۔

ہاتھ پر کل کتنے پریشر پوائنٹس ہوتے ہیں؟

انسانی جسم میں 340 پریشر پوائنٹس موجود ہوتے ہیں، جس میں سے 28 ہاتھ پر موجود ہوتے ہیں۔ ان پریشر پوائنٹس پر مساج کرنے سے آپ کو درد سے آرام ملتا ہے اور ساتھ ساتھ ماہرین کے مطابق یہ سستی ترین تھراپی بھی ہے۔

اگر آپ پریشر پوائنٹس کے بارے میں زیادہ نہیں جانتے تو اس کاآسان حل یہ ہے کہ جب بھی آپ کو جسم کے کسی حصے میں درد محسوس ہو تو آپ ہتھیلیوں کو زور سے رگڑیں۔