اُس نے مجھے چھوڑا تھا میں نے نہیں، میرے ماں باپ کب تک۔۔۔ دوسری شادی کرنے پر کرن اشفاق کا تنقید کرنے والوں کو سخت جواب دے دیا

Kiran Ashfaq Ne Sarfeen Ko Karara Jawab De Diya

اداکارعمران اشرف کی سابقہ اہلیہ کرن اشفاق نے دوسری شادی کی جس پر لوگوں نے انہیں تنقید کا نشانہ بنایا۔ وہیں دوسری جانب کرن اشفاق بھی تنقید پر خاموش نہ رہ سکیں اور انہیں کرارا جواب دیا۔

کرن اشفاق پی پی پی رہنما اور وکیل حمزہ علی چوہدری کے ساتھ رشتہ ازدواج میں منسلک ہوئیں، جس کی خوبصورت تصاویر اور ویڈیوز سوشل میڈیا کی زینت بنی ہوئی ہیں۔

کرن کی پہلی شادی کی ناکامی کے ایک سال بعد اچانک دوسری شادی کی خبر نے سوشل میڈیا صارفین کو جہاں حیرت میں مبتلا کیا وہیں بہت سے صارفین نے ان کے لیے نیک خواہشات کا اظہار کیا کچھ نے تنقید بھی کی۔

سوشل میڈیا ایپلیکیشن انسٹاگرام پر ان کے نکاح کی خوبصورت تقریب کی وائرل تصاویر و ویڈیوز پر عمران اشرف سے علیحدگی اختیار کرنے کی وجہ سے کچھ ناراض صارفین نے انہیں تنقید کا نشانہ بنایا اور لکھا کہ اتنی جلدی تو ہم بریک اپ کے بعد خود کو سنبھال نہیں پاتے جبکہ ایک اور صارف نے لکھا کہ عمران اشرف زیادہ اچھا تھا، اسے کیوں چھوڑا تھا؟

تاہم کرن اشفاق نے بھی فوراً ہی ناقدین کو آڑے ہاتھوں لے لیا اور ان کی تنقید کا کرارا جواب دے کر خاموش کروا دیا۔

کرن اشفاق نے صارف کے کمنٹ پر جواب دے کر لکھا کہ آپ کا مطلب ہے کہ میں بیٹھی رہتی؟ میرے والدین مجھے تنہا دیکھ کر روتے اور پریشان رہتے؟ کیا میں شادی نہ کرتی بس کسی کی طلاق کے نام پر بیٹھی رہتی؟

انہوں نے ایک اور صارف کو جواب دیتے ہوئے کہا کہ عمران اشرف سے طلاق لی نہیں تھی بلکہ عمران اشرف نے طلاق دی تھی۔

اس کے ساتھ ہی انہوں نے اظہار تشکر کرتے ہوئے لکھا کہ اللّٰہ تعالیٰ نے بہتر انسان سے نوازا ہے۔