مجھے 10 لاکھ روپے چاہیئے! اسماء عباس سب سے ادھار کیوں مانگنے لگیں؟ ویڈیو میں حقیقت کھول کے رکھ دی

Asma Abbas WhatsApp Account Hacked

معروف اور سینیئر فنکارہ اسماء عباس نے مداحوں اور دوستوں کو فوری خبردار کیا ہے کہ ان کا واٹس ایپ نمبر ہیک کر لیا گیا ہے اور اس کا غلط استعمال کیا جا رہا ہے۔

سوشل میڈیا پر گردش کرتی ایک ویڈیو میں اسماء عباس صاف الفاظ میں کہتی ہیں

براہ کرم ایسے کسی بھی میسج پر یقین نہ کریں، میرے نمبر سے جعلی پیغامات جا رہے ہیں جن میں پیسوں کی ڈیمانڈ کی جا رہی ہے

وائرل کلپ میں ایک اسکرین شاٹ بھی دکھایا گیا ہے جس میں ان کے اکاؤنٹ سے مبینہ طور پر 10 لاکھ روپے قرض مانگا گیا۔ اداکارہ نے افسوس کا اظہار کرتے ہوئے کہا کہ اس صورتحال سے ان کے پیارے اور جاننے والے پریشان ہوئے، جس پر وہ معذرت خواہ ہیں۔

انہوں نے بتایا کہ یہ سب ایک کال سے شروع ہوا جس میں کہا گیا

"آپ کا پارسل آیا ہے، ایڈریس بتائیں۔"

پھر ان سے ایک ویریفیکیشن کوڈ مانگا گیا جو وہ بھول کر شیئر کر بیٹھیں، اور فوراً ان کا واٹس ایپ بند ہوگیا۔

اداکارہ نے واضح کیا کہ وہ بالکل خیریت سے ہیں، انہیں کسی مالی مدد کی ضرورت نہیں، اور سب سے اپیل کی کہ اس طرح کے میسجز کو سنجیدہ نہ لیں۔

ساتھ ہی انہوں نے کہا کہ ہمارے معاشرے میں اس طرح کے آن لائن فراڈ عام ہو چکے ہیں، جس پر انہیں بے حد افسوس ہے۔

ایک جانب یہ واقعہ دوسروں کے لیے سبق بھی ہے: کبھی بھی کسی انجان کال یا کوڈ پر اعتبار نہ کریں، ورنہ ایک لمحے کی غلطی بڑی پریشانی کا باعث بن سکتی ہے۔