حمل نہ ٹہرنا یا ہارمون کی خرابی، اس ایک ڈرائی فوڈ کو دودھ میں پکا کر کھانے سے خواتین کے کئی مسئلے حل

انسان کی صحت کا دارومدار اسکی طرز زندگی پر ہوتا ہے کہ وہ کیا کھاتا ہے کیا پیتا ہے کب سوتا ہے کتنا سوتا ہے وغیرہ وغیرہ، یہ ساری وہ چیزیں ہوتی ہیں جن کا اگر خیال نہ رکھا جائے تو بہت سے مسائل درپیش آ سکتے ہیں جیسے کہ ہائی بلڈ پریشر، وزن میں اضافہ، ہارمون کی خرابی یہاں تک کہ بعض اوقات بانجھ پن کے مسائل کا بھی سامنا مردوں اور عورتوں کو کرنا پڑ سکتا ہے۔
اسلیئے آج ہم ایک ایسے نسخے کے بارے میں آپکو بتا رہے ہیں جس سے آپ کے کئی مسئلے حل ہو سکتے ہیں

انجیر ایک جادوئی ڈرائی فروٹ:

انجیر کا شمار خشک میوہ جات میں کیا جاتا ہے جو وٹامن اے ، بی، سی اور کے سے بھرپور ہوتا ہے اس کے علاوہ اس میں فائبر کے ساتھ ساتھ کیلشیم، میگنیشیم، پوٹاشیم اور کاپر کی بھی بڑی مقدار اینٹی آکسیڈنٹ اجزا کے ساتھ موجود ہوتی ہے۔

دودھ میں انجیر ملا کر پینے کے فائدے:

انجیر کو دودھ میں ملا کر پینے سے اس کی افادیت کو بڑھ جاتی ہے، بس دو سے تین انجیر کو ایک گلاس دودھ میں شامل کر کے اچھے سے ابال لیں پھر اس دودھ کو پی لیں اور انجیر کو کھا لیں۔ اس سے آپ کے کون سے مسئلے حل ہونگے وہ درج ذیل ہیں

ہارمونل اِم بیلنس

خواتین میں ہارمونز کی بے اعتدالی بہت عام ہوگئی ہے جس کی وجہ سے صحت کو کئی مسائل در پیش آسکتے ہیں، مثال کے طور پر وزن میں اضافہ ، ماہواری میں بے قاعدگی ، دل کی دھڑکن کا تیز ہو جانا ، بلڈ پریشر کا ہائی ہو جانا وغیرہ شامل ہیں ان تمام مسائل کے حل کے لیے رات کو سونے سے قبل انجیر والا دودھ پیجئیے۔

ماہواری اور بانجھ پن

ماہواری میں بے قاعدگی بانجھ پن کا سبب بن سکتی ہے، اس کے علاوہ ماہواری میں خون کا کم آنا، درد اور اینٹھن کا زيادہ ہونا ایسے مسائل ہیں جس کا سامنا اکثر خواتین کو کرنا پڑتا ہے- ان مسائل سے بچنے کیلیئے دن میں ایک بار انجیر والے دودھ کا استعمال کریں۔

حمل نہ ٹہرنا

انجیر اور دودھ کا شمار طاقت والے ٹانک میں ہوتا ہے، جن جوڑوں کو حمل کے نہ ٹہرنے کے مسائل کا سامنا ہو ان کو چاہیے کہ وہ انجیر اور دودھ کا استعمال باقاعدگی سے کریں ان شاء اللّٰہ فائدہ ہوگا۔

بلڈ پریشر کا مسئلہ

انجیر میں پوٹاشیم کی موجودگی اس کو بلڈ پریشر کے لیے انتہائی مفید بناتی ہے اور اس میں فائبر کا ہونا کولیسٹرول لیول کو بھی کم کرتا ہے۔ اسلیئے دودھ کے ساتھ انجیر کا استعمال نہ صرف طاقت کا باعث ہوتا ہے بلکہ بلڈ پریشر کو کنٹرول میں رکھتا ہے۔

کمزور ہڈیاں:

اس میں بڑی مقدار میں کیلشیم ہوتا ہے جو بڑی عمر کے افراد کے گھٹنوں اور جوڑوں کے درد کو بھگانے کے لیے بہترین کام کرتا ہے۔ ہڈیوں کے درد سے نجات پانے کے لیے انجیر اور دودھ کا استعمال بہت مفید ہے۔