اکثر لوگوں کی خواہش ہوتی ہے کہ ان کے ہاں جڑواں بچے پیدا ہوں جبکہ آج کل دیکھا جارہا ہے کہ 3 اور 4 بچوں کی پیدائش کی شرح بھی بڑھ گئی ہے۔ اس آرٹیکل میں آپ کو اس حوالے سے وہ معلومات دیں گے جو ماہرین بھی بتاتے ہیں۔
ایک سے زائد بچے کیسے ممکن ہیں؟
ڈاکٹر جمشید فیروز ماہر گائناکالوجسٹ ہیں۔ 1 سے زائد بچوں کی پیدائش کے حوالے سے بات کرتے ہوئے انھوں نے بتایا کہ یہ ملٹپل پریگنینسی کی ایک قسم ہے جس میں 2 یا 3 یا پھر اس سے زائد بچے بھی ہوسکتے ہیں جبکہ اس کے لئےassisted reproductive technology کی ضرورت ہوتی ہے جو کہ باہر کے ممالک میں کافی سستی اور عام ہے۔ اس ٹیکنالوجی میں جنین کو لیب میں ایمبریو کی صورت تیار کر کے واپس عورت کے جسم میں داخل کیا جاتا ہے۔
بڑی عمر کی خواتین
ڈاکٹر جمشید نے ایک اور وجہ بتاتے ہوئے کہا کہ بڑی عمر خاص طور پر 35 سال کی عمر کے بعد حاملہ ہونے والی خواتی میں بھی ملٹپل پریگنینسی کا چانس ہوتا ہے کیوں کہ ان کے اندر فولک ایسڈ اور ہارمون کی سطح بہت بڑھ جاتی ہے البہ اس وجہ پر مزید تحقیق کی ضرورت ہے۔
خطرات اور رسک
ڈاکٹر جمشید نے ملٹپل پریگنینسی کے خطرات سے آگاہ کرتے ہوئے بتایا کہ اس میں حاملہ خاتون کا بلڈ پریشر زیادہ ہوجاتا ہے جبکہ متلی کی کیفیت بھی عام حمل سے زیادہ ہوتی ہے اس کے علاوہ اگر بھرپور خیال نہ رکھا جائے تو مرگی کے دورے بھی پڑسکتے ہیں۔ اس لئے ڈاکٹر سے رابطہ رکھنا بہت ضروری ہے۔
خوراک
ماہرین کے مطابق ڈیری اشیاء پر مبنی خوراک جیسے کہ انڈے، دودھ دہی وغیرہ کھانے سے بھی ایک سے زائد بچے ہونے کے چانسز بڑھ جاتے ہیں۔