املوک میں دہی اور ۔۔ جانیں خشک موسم میں چہرے پر چمک اور نکھار لانے کے لیئے املوک میں کیا ملا کر پینا چاہیئے؟

Amlok Fruit Juice For Glowing Skin

سرد موسم نہ صرف ہوا کو خشک کر دیتا ہے بلکہ جلد کی رُونق بھی چرا لیتا ہے۔ ایسے میں اگر آپ قدرتی طریقے سے چہرے کی تازگی بحال کرنا چاہتے ہیں تو املوک کو اپنی خوراک میں ضرور شامل کریں۔ یہ پھل نہ صرف ذائقے میں لاجواب ہے بلکہ سردیوں میں آپ کی اسکن کے لیے ایک مکمل نیچرل گلو بوسٹر بھی ہے۔

سردیوں کی دھوپ کم ضرور ہوتی ہے، مگر اس میں موجود شعاعیں پھر بھی جلد کو متاثر کرتی ہیں۔ املوک اپنے اینٹی آکسیڈنٹس، وٹامن اے اور سی کی وجہ سے جلد کو ان مضر اثرات سے تحفظ دیتا ہے اور فطری نکھار ابھارتا ہے۔

گلوئنگ اسکن کے لیے املوک اسمودی — آسان ریسپی

اجزاء:

ایک اچھی طرح دھویا ہوا املوک

چیا سیڈز (تخم شربتی) — پانی میں بھگوئے ہوئے

دہی — حسبِ ضرورت

ترکیب:

املوک کو چار برابر حصوں میں کاٹ لیں۔

بھگوئے ہوئے چیا سیڈز اور دہی کے ساتھ اس پھل کو بلینڈر میں ڈالیں۔

اتنا بلینڈ کریں کہ مکسچر مکمل کریمی اور نرم ہو جائے۔

مکسچر کو پیالے میں نکال کر آدھے گھنٹے کے لیے فریج میں ٹھنڈا کریں۔

چاہیں تو اوپر سے بادام، پستہ یا دیگر ڈرائی فروٹ چھڑک دیں۔

فائدہ کیا ہے؟

جلد کو اندر سے نمی فراہم کرتا ہے

قدرتی چمک واپس لاتا ہے

اینٹی آکسیڈنٹس ماحولیاتی نقصان سے بچاتے ہیں

یہ نہ صرف ایک ذائقہ دار ڈرنک ہے بلکہ سردیوں میں اسکن کیئر کا سب سے آسان اور صحت بخش نسخہ بھی ہے۔ تو کیا آپ املوک اسمودی آزمانے کے لیے تیار ہیں؟