میں سابق شوہر کو ذہنی اذیت میں رکھتی تھی ۔۔ فریال محمود نے پہلی بار اپنی ناکام شادی شدہ زندگی سے متعلق کیا انکشاف کردیا؟ ویڈیو کلپ وائرل

پاکستانی شوبز انڈسٹری کی معروف اداکارہ فریال محمود نے انکشاف کرتے ہوئے کہا کہ وہ اپنے شوہر سے پیار کرتی تھیں مگر انہیں ذہنی اذیت میں بھی مبتلا رکھتی تھیں۔

اداکارہ نے یہ بات ایک پوڈ کاسٹ میں کی جس کا ایک ویڈیو کلپ سوشل میڈیا پر وائرل ہورہا ہے جس میں وہ اپنی ناکام ازدواجی زندگی سے متعلق بات کرتی نظر آئیں۔

فریال نے انکشاف کیا کہ دانیال راحیل سے شادی کے بعد ان کی شادی شدہ زندگی میں کافی مسائل پیدا ہونے لگے تھے، میں ذہنی طور پر پریشان رہنے لگی تھی، جس کے باعث میری اور دانیال کی ذہنی صحت داؤ پر لگ گئی تھی۔

اداکارہ کا کہنا تھا کہ میرے سابق شوہر نے کبھی مجھے جسمانی تشدد کا نشانہ نہیں بنایا لیکن ہم دونوں نے ایک دوسرے کو ذہنی اذیت تھی، ایک دوسرے پر ذہنی تشدد کیا۔

مزید فریال محمود نے بتایا کہ شوبر کی جانب سے ذہنی اذیت ملنے کے باوجود میں ان کے پاس جایا کرتی تھی کیونکہ مجھے ان سے بہت محبت تھی۔

اُنہوں نے مزید کہا کہ میں بھی ایک عورت ہوں، میں عورتوں کے جذبات اور مسائل سمجھتی ہوں تو میں کبھی بھی اُس عورت کو غلط نہیں بولوں گی جو اپنے شوہر کا نامناسب رویہ برداشت کرتی ہے۔

اداکارہ نے کہا کہ جب کوئی عورت کسی مرد سے محبت کرتی ہے تو وہ اُس کا تشدد اور بدتمیزی بھی برداشت کرتی ہے کیونکہ اُس وقت وہ سب ٹھیک لگ رہا ہوتا ہے۔

خیال رہے اداکارہ فریال محمود اور دانیال راحیل کی شادی سال ٢٠٢٠ میں کرونا کے دنوں میں کوئی تھی۔