ادرک کو مٹی میں دبا دیں اور ۔۔۔گھر میں ادرک لگانے کا آسان طریقہ، جس میں خرچہ بھی کم ہے، دیکھیے

سوشل میڈیا پر ایسی کئی معلومات ہیں جو کہ سب کو حیرت میں مبتلا کر دیتی ہیں، کچھ تو اس حد تک منفرد ہوتی ہیں، کہ صارفین کے لیے بھی فائدہ مند ہو سکتی ہیں۔
آج آپ کو بتائیں گے کہ ادرک کو گھر میں کیسے اُگایا جا سکتا ہے۔

کسان پاکستان نامی سوشل میڈیا اکاؤنٹ پر ایک ایسی ہی ویڈیو اپلوڈ کی گی تھی، جس میں سبزیاں اگانے والا ایک شخص گھر میں ادرک اگانے کا طریقہ بتا رہا ہے۔

ادرک کی کاشت /کچن گارڈننگ

گھر میں ادرک کاشت کرنے کا آسان طریقہ
کاشت کے لیے احتیاطی تدابیر،مفید معلومات
👇 pic.twitter.com/OJBICpbvpL

— Kissan Pakistan (@kissan_pakistan) October 31, 2022

ویڈیو میں موجود شخص نے سبزی منڈی سے چُن چُن کر ادرک لایا ہے، جن کے اوپر چشم پھوٹ پڑی ہو، چشم دراصل وہ چیز ہوتی ہے جو کہ ادرک پر پھوٹتی ہے یا اسے جڑ بھی کہا جا سکتا ہے۔

ان ادرک کو نم آلود ریت میں دبا کر رکھنا ہوتا ہے، اور پھر اس کی سطح کو نم رہنے دیتا ہے، جب ان ادرک پر باقاعدہ چشم آنا شروع ہو جائے گی، تو انہیں نکال کر بھل والی مٹی میں رکھ دیں گے۔

ریت میں دبانے کے بعد مٹی کی سطح پر ادرک کے چشم کو دیکھا جا سکتا ہے جو کہ اس بات کی نشانی ہوتی ہے کہ ادرک کی پیداوار ممکن ہے۔

دوسری جانب ان پودوں کو جن میں ادرک کو لگایا جاتا ہے، جہاں سایہ موجود ہو، زیادہ پانی موجود نہ ہو، اور نہ ہی اسے زیادہ پانی دیا جائے۔ اسی طرح مٹی کی سطح خشک ہونے لگے تو پانی برتن کے ذریعے دینے کے بجائے جھارے کا استعمال کرنا چاہیے، اس سے پانی فوارے کی صورت میں نکلتا ہے۔

زیادہ پانی دینے سے ادرک کی جڑیں کمزور ہو سکتی ہیں، جبکہ نقصان بھی پہنچ سکتا ہے۔ اسی لیے گھر میں یہ بیش قیمت اور مہنگے ادرک اگائیں اور مہنگائی کو ٹاٹا بائے بائے کہیں۔