جلد کے لئے لیموں اور دھنیے کا مشروب کس قدر فائدے مند ہے؟

مرد ہوں یا خواتین جوان ترو تازہ اور خوبصورت جِلد سب ہی حاصل کرنا چاہتے ہیں، آج ہم آپ کو بتائیں کہ صرف دو سبزیوں کے استعمال سے آپ کیسے اپنی جلد کو ترو تازہ اور چمکدار بنا سکتے ہیں آیئے تو پھر شروع کرتے ہیں۔

• چمکدار اور صاف جِلد کے لئے دھنیے اور لیموں کا استعمال

دھنیا اور لیموں قدرتی اینٹی آکسیڈنٹس سے بھرپور ہوتے ہیں ان دونوں کا رس استعمال کرنے سے آپ کی جلد پر کیا حیرت انگیز نتائج نظر آتے ہیں آیئے جان لیتے ہیں۔

• جلد کے لئے دھنیے کا استعمال

دھنیا اینٹی آکسیڈنٹس، فولیٹ، وٹامن سی اور بیٹا کیروٹین سے بھرپور ہوتا ہے یہ ہماری جلد نرم وملائم اور چمکدار بنانے کی خصوصیت رکھتا ہے دھنیے میں موجود اینٹی آکسیڈینٹس ہمارے جسم میں فری ریڈیکلز کی نقل و حرکت میں رکاوٹ بنتے ہیں، اس طرح عمر بڑھنے کے عمل میں تاخیر ہوتی ہے اور یہ ہماری جلد کو اپنی لچک برقرار رکھنے میں مدد کرتا ہے۔

• جلد کے لئے لیموں کا استعمال

لیموں ہماری خوبصورتی کے اضافے میں اہم کردار ادا کرتا ہے کیونکہ ان کے کئی قدرتی فوائد ہیں، لیموں وٹامن سی، کیلشیم، پوٹاشیم اور میگنیشیم کا ایک بہترین ذریعہ ہیں یہ تمام غذائی اجزاء آپ کی جلد کی اندرونی حالت اور ظاہری شکل کو بہتر بنانے میں مدد کرتے ہیں۔

جلد کے لئے لیموں اور دھنیے کا مشروب کس قدر فائدے مند ہے؟

اگر دھنیا اور لیموں ملا کر اس کا شربت بنا کر استعمال کیا جائے تو ان دنوں کے قدرتی اجزاء مل کر خزانہ بن جاتے ہیں اور یہ آپ کی جلد اور جسمانی صحت دونوں کے لئے ہی فائدے مند ثابت ہوتے ہیں۔
لیموں اور ہرے دھنیے کا یہ شربت تازگی فراہم کرتا ہے اور یہ سوزش ختم کرنے کے ساتھ ساتھ اینٹی آکسیڈنٹس کا خزانہ ہوتا ہے یہ وٹامن سی سے بھرپور ہوتا ہے جو کہ ہماری جلد کو قبل از وقت بوڑھا ہونے سے روکتا ہے اس کے استعمال سے جھریاں جھائیاں ختم کرنے کے لئے مفید ہے۔
یہ ڈرنک نہ صرف آپ کی خوبصورتی میں اضافے اور جلد کے لئے بہترین ہے بلکہ یہ وزن کم کرنے اور جسم سے زہریلے مادے خارج کرنے کے لئے بھی بےحد ضروری ہے یہ ہمارے نظامِ ہاضمہ سے لے کر جسم کے دیگر اندرونی نظام کو بہتر بناتا ہے جسم سے آلودگی کا خاتمہ کرتا ہے اور ایک بہترین ڈٹاکس ڈرنک ہے۔

• لیموں اور دھنیے کا جوس بنانے کا طریقہ

• اجزاء

ایک کپ دھنیے کے تازہ پتے آدھا لیموںپانی حسبِ ضرورت

• ترکیب

بلینڈر میں دھنیے کی پتیاں اور لیموں کا رس شامل کریں اب اس میں حسبِ ضرورت پانی ڈال کر اسے اچھی طرح پیس کر شربت جیسا پتلا بنا لیں اب سے کو فریج میں رکھ کر ٹھنڈا کریں یا پھر برف ڈال کر پی لیں، اس میں چینی شامل نہ کریں۔