اپنی حفاظت سے بڑھ کر کچھ نہیں۔۔ کیا آپ جانتے ہیں ایشوریا رائے اپنے باڈی گارڈ کو کتنی تنخواہ دیتی ہیں؟

بالی ووڈ کی چکاچوند دنیا میں جہاں مشہور شخصیات کے چاہنے والوں کی بھیڑ اور ان کے تحفظ کی ضرورت ہمیشہ رہتی ہے، وہاں بڑے بڑے اسٹارز کے باڈی گارڈز بھی خاصی اہمیت رکھتے ہیں۔ سلمان خان اور شاہ رخ خان جیسے سپر اسٹارز کے لیے تو یہ باڈی گارڈز ہر جگہ ساتھ موجود ہوتے ہیں، چاہے وہ ایئرپورٹ ہو، پارٹی، فلم پروموشن، یا شادی کی تقریب۔

ایشوریا رائے بچن، جو اپنی خوبصورتی اور اداکاری کے باعث پوری دنیا میں پہچانی جاتی ہیں، ان کی حفاظت کے فرائض شیوراج نامی باڈی گارڈ کے سپرد ہیں۔ شیوراج کئی سالوں سے بچن خاندان کے لیے خدمات انجام دے رہے ہیں اور جب ایشوریا اپنے گھر سے باہر قدم نکالتی ہیں، تو شیوراج کا فرض ہوتا ہے کہ وہ ہر ممکن حفاظت کو یقینی بنائیں۔

2015 میں ایشوریا رائے کی اپنے باڈی گارڈ کی شادی میں شرکت نے سب کو حیران کر دیا تھا۔ وہ نہ صرف تقریب میں موجود رہیں بلکہ ان کی تصاویر سوشل میڈیا پر بھی خوب چرچے میں آئیں، جس نے ان کے دل جیتنے والے رویے کو سب کے سامنے لایا۔

شیوراج کی مہارت کا یہ عالم ہے کہ وہ صرف جسمانی طاقت تک محدود نہیں بلکہ جدید تکنیکی صلاحیتیں بھی رکھتے ہیں، تاکہ ایشوریا کی حفاظت میں کوئی کمی نہ آئے۔ ان کی سالانہ تنخواہ بھی کسی ملٹی نیشنل کمپنی کے سینئر ایگزیکٹو سے کم نہیں۔ ایک کروڑ بھارتی روپے کی یہ رقم انہیں بالی ووڈ کے سب سے مہنگے ترین باڈی گارڈز کی صف میں کھڑا کرتی ہے۔

بالی ووڈ کی چمک دمک کے پیچھے چھپے ان محافظوں کی کہانیاں بھی کم دلچسپ نہیں، جو اپنی جان ہتھیلی پر رکھ کر ان ستاروں کی حفاظت کرتے ہیں۔