گھونگھٹ اٹھایا، تو سامنے۔۔ دلہے کے ساتھ کیا بڑا دھوکہ ہوگیا؟ شادی کی رات کا چونکا دینے والا واقعہ

Dulhe Ke Sath Kya Dhoka Hua

بھارتی شہر میرٹھ سے ایک ایسا واقعہ سامنے آیا ہے جس نے سب کو حیران کر دیا— جیسے فلمی کہانی ہو، مگر افسوسناک طور پر یہ بالکل سچ ہے۔

31 سالہ محمد عظیم نے بڑی امیدوں اور خوابوں کے ساتھ 22 مارچ کو نکاح کیا، دل میں اپنی ہم عمر منگیتر منتشا کے ساتھ نئی زندگی کی شروعات کا جوش لیے۔ نکاح کی تقریب نہایت دھوم دھام سے انجام پائی، اور سب کچھ معمول کے مطابق لگ رہا۔۔۔ لیکن پھر آئی وہ گھڑی، جس نے سب کچھ بدل دیا۔

شادی کی رات جب عظیم نے دلہن کا چہرہ دیکھنے کے لیے گھونگھٹ اٹھایا، تو اُس کے پیروں تلے زمین نکل گئی۔ سامنے منتشا نہیں بلکہ اُس کی 45 سالہ بیوہ ماں بیٹھی تھی — مکمل دلہن بن کر۔

عظیم کو تب احساس ہوا کہ وہ جس لڑکی سے شادی سمجھ رہا تھا، اس کی جگہ کسی اور سے نکاح کر لیا گیا ہے۔ حیرت و صدمے میں ڈوبے عظیم نے فوراً پولیس سے رجوع کیا۔ اُس کا کہنا تھا کہ یہ سارا کھیل اس کے اپنے بھائی ندیم اور بھابھی شائستہ نے رچایا، جنہوں نے نہ صرف اس جھوٹ کو چھپایا بلکہ نکاح کے بدلے 5 لاکھ روپے بھی وصول کیے۔

عظیم نے الزام لگایا کہ جب اس نے سچائی سامنے لانے کی کوشش کی تو اُسے ڈرایا گیا، جھوٹے مقدمات میں پھنسانے کی دھمکیاں دی گئیں تاکہ وہ خاموش رہے۔

حیرت انگیز طور پر، کچھ دنوں بعد عظیم نے شکایت واپس لے لی، اور معاملہ "خاندانی" کہہ کر ختم کر دیا گیا۔ پولیس کے مطابق اب کوئی قانونی کارروائی نہیں ہو رہی۔