ماں نے 6 شادیاں کی اور۔۔ ماضی کی مشہور اداکارہ سیمی زیدی اب کہاں اور کس حال میں ہیں؟

Where is Famous Actress Seemi Zaidi Now

پاکستانی ڈرامہ، فلم اور تھیٹر کی باصلاحیت اداکارہ سیمی زیدی اُن چند چہروں میں سے ہیں جنہوں نے 90 کی دہائی میں اپنی منفرد اداکاری اور دلکش شخصیت سے ناظرین کے دل جیت لیے۔ مشہور ڈراموں آشیانہ، تنہا تنہا اور کشکول میں اُن کی شاندار پرفارمنس نے اُنہیں گھروں کا جانا پہچانا نام بنا دیا۔ خصوصاً آشیانہ میں "سپنا" کے کردار نے اُنہیں شہرت کی بلندیوں تک پہنچا دیا۔

ٹی وی کے ساتھ ساتھ سیمی زیدی نے فلمی دنیا میں بھی اپنی صلاحیتوں کا لوہا منوایا۔ فلم گناہ، دھڑکن اور دنیا دس نمبری، اُن کے فنی سفر کے قابلِ ذکر سنگِ میل ثابت ہوئیں۔ تھیٹر میں بھی اُنہوں نے کامیابی کے جھنڈے گاڑے، جہاں اُن کا ڈرامہ شرطیہ میٹھے ناظرین میں بے حد مقبول ہوا اور بین الاقوامی سطح پر بھی داد سمیٹی۔

یہ بات بھی قابلِ ذکر ہے کہ سیمی زیدی، مشہور اور سینئر اداکارہ تانی بیگم کی صاحبزادی ہیں، جنہوں نے 70 کی دہائی میں پاکستانی شوبز میں راج کیا۔

بات کریں سیمی زیدی کی تو شہرت کی انتہا پر پہنچنے کے بعد انہوں نے اچانک شوبز کو خیر باد کہا اور امریکہ منتقل ہوگئیں، جہاں وہ اپنی والدہ، شوہر اور بچوں کے ساتھ پُرسکون زندگی گزار رہی ہیں۔ نومبر 2010 میں اُن کی شادی ہوئی، اور آج وہ ایک خوشحال ازدواجی زندگی گزار رہی ہیں، اُن کے دونوں بچے اب بڑے ہوچکے ہیں۔

سیمی زیدی سوشل میڈیا پر بھی سرگرم رہتی ہیں، جہاں وہ اپنے مداحوں کے ساتھ تصویری لمحات اور روزمرہ زندگی کی جھلکیاں شیئر کرتی ہیں۔

سیمی زیدی اپنے شوہر کے ہمراہ