سونف کے حیران کن طبی فوائد



سونف ایک جڑی بوٹی ہے اور یہ ذائقے میں خوشبو والی ہوتی ہے سونف جلد کے لئے بہت فائدہ مند ہے۔یہ مہاسوں کو روکنے اور خون کو صاف کرنے کے کام آتی ہے۔یہ وٹامن سی اور غذائی ریشہ کا اچھا ذریعہ ہے اس کے علاوہ اس کے اور بھی فوائد ہیں جن کا ہم ذکر کریں گے۔

سونف کے فوائد درج ذیل ہیں:


بلڈ پریشر کو کنٹرول کرنے میں مدد
سونف کے بیجوں کو چبانے سے تھوک میں نائٹریٹ کے مواد میں اضافہ ہوتا ہے جس سے بلڈپریشر کی سطح کر بارے میں پتہ چلتا ہے اس کے علاوہ سونف کے بیج بھی پوٹاشیم کا ایک بہت ہی بھرپور ذریعہ ہیں اور چونکہ پوٹاشیم خلیوں اور جسمانی سیلز کا ایک لازمی جزو ہے لہٰذا یہ آپ کی دل کی شرح اور بلڈ پریشر کو کنٹرول کرنے میں مدد کرتا ہے۔

خون کو پاک کرنے میں مدد
فائبر ہمارے جسم سے زہریلا مادہ نکالنے میں بہت مفید سمجھے جاتے ہیں ، اس طرح خون کو صاف کرنے میں مدد ملتی ہے۔ آپ کی غذا میں ایسی غذائیں شامل کرنا بہت ضروری ہے جو آپ کے خون کو صاف کرنے میں مدد دیں ۔سونف یہ کام بخوبی سرانجام دیتی ہے۔

جلد کو صاف کرنے میں مدد
سونف جب مستقل بنیاد پر کھائی جاتی ہے تو وہ جسم کو زنک اور کیلشیم جیسے قیمتی معدنیات مہیا کرتے ہیں۔ یہ معدنیات ہارمونز کو متوازن کرنے اور آکسیجن کے توازن کو برقرار رکھنے میں بہت مددگار ہیں۔جب سونف کا استعمال کیا جاتا ہے تو ، جلد پر ٹھنڈک کا اثر پڑتا ہے ، لہٰذا اس سے ایک صحت بخش چمک ملتی ہے۔

وزن میں کمی کو فروغ
فائبر سے مالا مال ہونے کی وجہ سے سونف کے بیج وزن میں کمی میں مدد کرسکتے ہیں ۔اس لیے وزن کو کم کرنے کے لیے آپ سونف والا پانی استعمال کریں۔

نیند کے معیار میں مدد
کچھ ذرائع تجویز کرتے ہیں کہ سونف کے بیجوں میں موجود میگنیشیم نیند کے معیار اور دورانیے کو بہتر بنانے میں مدد کرتا ہے۔

بد ہضمی میں مدد ملتی ہے
جنک فوڈ ہماری روزمرہ کی زندگی کا حصہ بن چکے ہیں ان کی وجہ سے بدہضمی کے مسائل سے واسطہ پڑسکتا ہے۔اس لیے سونف کے بیج چبانے سے اس پریشانی سے چھٹکارا مل سکتا ہے۔

اس کے علاوہ سونف خون کی کمی بھی دور کرتی ہے۔ یہ آئرن کا اچھا ذریعہ ہے اور عملِ انہظام کو بھی درست کرتی ہے۔

zoom effect

By Shahzad In Health and Fitness 0 Comments 14934 Views 03 Dec 2019


Comments/Ask Question

Comments on سونف کے حیران کن طبی فوائد

Read Blog about سونف کے حیران کن طبی فوائد and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (سونف کے حیران کن طبی فوائد) and how to utilize other natural ingredients to cure diseases, easy recipes, and other information related to food from KFoods.