مردہ قرار دیا گیا شخص زندہ تھا ۔۔۔ ٹرین حادثے میں مرنے والا شخص دوبارہ زندہ کیسے ہوا؟ حریت انگیز واقعہ

دلچسپ اور حیرت انگیز واقعات تو بہت ہیں لیکن کچھ واقعات ایسے ہوتے ہیں جو کہ سب کی توجہ حاصل کر لیتے ہیں، انہی واقعات میں سے ایک واقعہ اس شخص کا ہے، جو انتقال کے بعد زندہ ہوا۔
ذرائع کے مطابق 11 سال پہلے بھارتی شہر جانی شوری میں ہونے والے ہولناک حادثے میں ہلاک ہونے والے شہری امرت ون چوہدری زندہ ہے۔

امرت کی موت سے متعلق حیرت انگیز خبر سامنے آئی ہے، 2010 میں ہونے والے حادثے میں امرت کے گھر والوں نے امرت کے بھی ٹرین حادثے میں ہلاک ہونے کا دعویٰ کیا تھا، بھارتی حکومت نے ٹرین حادثے میں ہلاک ہونے والوں کے اہل خانہ کو 4 لاکھ روپے مالی امداد اور سرکاری نوکری کا وعدہ کیا تھا۔

تاہم سی بی اے کی حالیہ انویسٹیگیشن میں یہ بات واضح ہوگئی ہے کہ امرت ٹرین حادثے میں ہلاک نہیں ہوا تھا، بلکہ گھر والوں نے سرکاری امداد لینے کے لیے ڈرامہ رچا تھا۔ امرت کے اہل خانہ نے امرت کو مردہ قرار دے کر 4 لاکھ روپے کی سرکاری امداد اور سرکاری نوکری بھی حاصل کرلی تھی۔

امرت 11 سالوں سے سب کو چکما دے رہا تھا مگر انویسٹیگیشن ڈیپارٹمنٹ نے امرت کو ہفتے کی شام کلکتہ سے گرفتار کر لیا، حادثے کے وقت امرت کی عمر 27 سال تھی جو کہ اب 38 سال ہوگئی ہے۔

واضح رہے بھارتی شہر جانی شوری میں پیش آنے والے اس حادثے میں 148 افراد جان کی بازی ہار گئے تھے، متعدد لاشیں شناخت کے قابل نہیں تھیں جنہیں ٹرین کے ٹکٹ کی مدد سے ورثاء کے حوالے کیا گیا۔