اب یہ کون سا نیا ٹرینڈ ہے۔۔ عمر عالم کے فلائیٹ میں لڑکی کو انگوٹھی پہنانے پر لوگوں نے سوال کھڑے کردیے

پاکستانی شوبز انڈسٹری کی معروف اداکارہ حرا مانی ایک بار پھر خبروں کی زینت بن گئی ہیں، لیکن اس بار وجہ ان کا کوئی ڈرامہ نہیں بلکہ شادی کی تقریب میں کیا گیا رقص اور ان کا انتخاب کردہ لباس ہے، جو سوشل میڈیا صارفین کی نظروں سے بچ نہ سکا۔

حال ہی میں ایک ویڈیو نے انٹرنیٹ پر دھوم مچا دی، جس میں حرا مانی کو اپنے بھائی کی ڈھولکی نائٹ میں بالی وڈ کے مشہور گانوں پر دل کھول کر رقص کرتے دیکھا جا سکتا ہے۔ گانوں میں "ڈھول باجے"، "چلو عشق لڑائیں"، اور "لیٹس ناچو" شامل تھے، جن پر اداکارہ نے خوب رنگ جمایا۔ ان کے ساتھ شوہر مانی اور دیگر قریبی افراد بھی جھومتے دکھائی دیے، لیکن سب کی توجہ حرا مانی کے لباس اور ڈانس نے اپنی طرف کھینچ لی۔

شادی میں حرا نے لہنگے کے ساتھ ایک مختصر بلاؤز پہنا، جس نے انہیں شدید تنقید کی زد میں لا کھڑا کیا۔ صارفین نے کہا کہ ان کا انتخاب تقریب کے لحاظ سے غیر موزوں تھا اور ان کے انداز کو حد سے زیادہ بولڈ قرار دیا۔

جہاں کچھ لوگوں نے حرا کی آزاد مزاجی کو سراہا، وہیں زیادہ تر نے انہیں آڑے ہاتھوں لیا۔ ایک صارف نے تبصرہ کیا:

"پرانے وقتوں میں بادشاہ خواتین سے رقص کروا کر پیسے پھینکتے تھے، آج کل سوشل میڈیا پر سب کچھ مفت میں دیکھنے کو ملتا ہے۔"

ایک اور شخص نے تنقید کرتے ہوئے کہا:

"حرا مانی اسی لیے لوگ آپ کو اپنی شادیوں میں نہیں بلاتے، فوراً اسٹیج پر پہنچ جاتی ہیں۔"

حرا مانی اپنی شوخ طبیعت اور دلیرانہ انداز کے لیے مشہور ہیں۔ انسٹاگرام پر وہ گاہے بگاہے ایسی ویڈیوز شیئر کرتی رہتی ہیں جن میں گانے گاتے یا ڈائیلاگ پر لپ سنکنگ کرتی دکھائی دیتی ہیں۔ وہ جانتی ہیں کہ ان کی سرگرمیاں تنقید کا باعث بن سکتی ہیں، لیکن شاید یہی ان کی انفرادیت ہے۔

یہ پہلا موقع نہیں کہ حرا مانی کسی تنازعے میں گھر گئی ہوں۔ ان کا کھلے دل سے اپنی زندگی جینے کا فلسفہ انہیں منفرد بناتا ہے۔ جہاں وہ تنقید کی پروا نہیں کرتیں، وہیں ان کے مداح ان کے ہر انداز کے دیوانے ہیں۔