بڑھاپے کا ڈر اور جوانی کا جنون۔۔ زارا نور نے اداکاراؤں کی خوبصورتی کا بھانڈا پھوڑتے ہوئے کیا کہا؟

Zara Noor Abbas Slams Anti Ageing Products

پاکستان کی معروف اداکارہ زارا نور عباس، جو نہ صرف اپنی جاندار اداکاری بلکہ سچ بولنے کے انداز کے لیے بھی جانی جاتی ہیں، ایک بار پھر خبروں کی زینت بن گئی ہیں۔ اور اس بار وہ ایک بہت اہم پیغام لے کر سامنے آئیں ہیں — ایک ایسا پیغام جو ہر اس شخص کے دل تک پہنچنا چاہیے جو خوبصورتی کے غیر حقیقی معیار کے پیچھے اپنی اصل پہچان کھو رہا ہے۔

حال ہی میں، انہوں نے انسٹاگرام پر ایک جذباتی پوسٹ شیئر کی، جس میں بڑھتی ہوئی عمر، رنگ گورا کرنے والی ادویات اور وزن کم کرنے کے خطرناک طریقوں کے خلاف آواز بلند کی۔

زارا لکھتی ہیں، خدارا! بڑھاپے سے لڑنا بند کریں۔ یہ ایک فطری اور خوبصورت عمل ہے۔ زندگی کو کنٹرول کرنے کی ضد میں ہم خود کو تباہ نہ کریں۔ رنگ گورا کرنے والی کریمیں، وزن کم کرنے والی دوائیں، یا ایسی ہر چیز جو ہمیں 'پرفیکٹ' دکھانے کا جھانسہ دیتی ہے — سب ایک خطرناک فریب ہے۔ اصل خوبصورتی ذہن کی ہوتی ہے، چہرے کی نہیں۔

زارا کے اس دل سے نکلے پیغام نے سوشل میڈیا پر زبردست ردِعمل حاصل کیا، خاص طور پر اس وقت جب بھارتی اداکارہ شیفالی جریوالا کی 42 سال کی عمر میں اچانک موت نے انڈسٹری کو ہلا کر رکھ دیا۔ رپورٹ کے مطابق، ان کی موت کا سبب وہی خطرناک اینٹی ایجنگ انجیکشن بنے جو وہ آٹھ سال سے لے رہی تھیں۔

زارا نور عباس کا یہ پیغام نہ صرف ایک وارننگ ہے بلکہ ایک نیا نظریہ بھی — کہ ہم اپنی اصل عمر، جلد اور شخصیت کو اپنائیں، نہ کہ مارکیٹ کے جعلی خوابوں کے پیچھے بھاگیں۔

یاد رکھیں، وقتی خوبصورتی ختم ہو جاتی ہے، مگر ذہنی سکون اور اندرونی مضبوطی ہمیشہ باقی رہتی ہے۔