زندگی اتنی خوبصورت نہیں ہوتی جتنی سوشل میڈیا پر دکھائی دیتی ہے.. زارا نور عباس کا افسردہ پیغام! تصویر بھی شئیر کردی

"کبھی کبھی زندگی میں ایسے دن بھی آجاتے ہیں کہ جب صرف دونوں پاؤں پر کھڑا ہونا اور چلنا زندگی کی سب سے بڑی نعمت محسوس ہوتی ہے۔ زندگی اتنی آسان اور خوبصورت نہیں ہوتی جتنا سوشل میڈیا پر لوگ ظاہر کرتے ہیں یا ہم سب دیکھتے ہیں۔ اگرچل کچھ لوگوں کے لیے اٹھنا، بیٹھنا، گھومنا، بالوں میں کنگی کرنا، خود سے کپڑے بدلنا اور مسکرانا زندگی کا معمول ہوتا ہے اور ان چھوٹی چھوٹی باتوں کی کوئی اہمیت نہیں ہوتی لیکن دوسری طرف یہی چیزیں کرنا کسی کے لئے نعمت ہوتی ہیں"

یہ کہنا ہے اداکارہ زارا نور عباس کا جنھوں نے انسٹاگرام اکاؤنٹ پر روحانیت سے بھرپور تفصیلی پوسٹ لگاتے ہوئے اپنی کسی قدر دکھی تصویر بھی شئیر کی۔

زارا نور عباس نے اپنے مداحوں کو مشورہ دیا کہ ہر چیز پر غور کریں اس سے زندگی بہتر کرنے کے لئے رہنمائی ملے گی۔ سن کی زندگی اپنی ہوتی ہے اور ہر شخص اپنے حالات سے کو بہتر واقف ہوتا ہے اس لیے کسی کی بات پر دھیان دیے بغیر یہ خود طے کریں کہ آپ کو اپنی زندگی کیسے گزارنی ہے. خدا کے علاوہ کوئی کسی کی زندگی کے متعلق فیصلہ نہیں کرسکتا۔

ہر انسان اپنی خواہشات کے لئے خدا کے آگے ہاتھ پھیلاتا ہے کبھی لڑتا ہے لیکن کس کو کیا ملے گا یہ تو خدا ہی بہتر جانتا ہے۔