محنت مزدور کرتا تھا، بھٹے میں اینٹیں لادتا تھا اور پھر ۔۔ غریب گھرانے سے تعلق رکھنے والے زمان خان کرکٹ کی دنیا کا اسٹار کیسے بنے؟ زندگی سے متعلق پہلی بار بتا دیا

پاکستان کرکٹ ٹیم کے فاسٹ باؤلر زمان خان نے حال ہی میں ون ڈے انٹرنیشنل میں ڈیبیو کیا اور اپنے پہلے ہی میچ میں انہوں نے دنیائے کرکٹ میں توجہ حاصل کی۔ زمان خان پی ایس ایل کی فرنچائز ٹیم لاہور قلندرز کی نمائندگی کرتے ہیں اور اپنی ٹیم کے جانے مانے باؤلر ہیں۔

زمان خان کی زندگی پر ایک نظر ڈالیں تو وہ ایک غریب گھرانے سے تعلق رکھتے ہیں۔ انہوں نے حال ہی میں پی سی بی میں انٹرویو دیا جس کی ویڈیو سوشل میڈیا پر وائرل ہو رہی ہے۔

زمان خان نے بتایا کہ میرے والد محنت مزدور کرتے تھے کبھی لکڑیوں کا کام کرتے تھے اور میرے سارے بھائی بھی مزدوری کرتے ہیں۔ نوجوان فاسٹ باؤلر کا کہنا تھا کہ میں مزدور زیادہ کرتا تھا جیسے بھٹے میں اینٹیں لادنا اور اس کے علاوہ جو بھی مزدوری کے لیے مل جاتا تھا۔

زمان خان نے بتایا کہ ایک مرتبہ ہمارے گراؤنڈ میں ٹیپ بال کا کرکٹ میچ ہورہا تھا تو وہ میں دیکھا کرتا تھا تو میں سوچتا تھا کہ یہ لوگ کھیل رہے ہیں میں بھی کھیل سکتا ہوں۔

فاسٹ باؤلر نے بتایا کہ میں ان کے پاس گیا اور کہا کہ میں بھی کھیلوں گا تو انہوں نے مجھے ایک اوور دیا تو میں اس وقت ١٢ وائڈ گیندیں کردیں تھیں۔ پھر دوسرے دن میں نے دوبارہ اوور کیا تو میری ایک بھی وائڈ بال نہیں ہوئی۔ وہاں سے میرا فاسٹ باؤلنگ کا شوق پیدا ہوا۔

زمان خان کرکٹ میں کیسے منتخب ہوئے انہوں نے اس ویڈیو میں بتا دیا۔