اپنے دوست کو کلمہ پڑھایا۔۔ مریم نسیم کی اپنے دوست کو اسلام قبول کرواتے ہوئے ویڈیو وائرل

“میں آپ سب کے ساتھ ایک خوبصورت موقع شیئر کر رہی ہوں جس نے ہماری زندگیوں کی گہرائیوں کو چھو لیا ہے۔ پچھلے مہینے قسمت نے میری محبت کو اسلام کی راہ پر گامزن کیا۔ شروع میں خیال تھا کہ یہ نیک کام میرے والد کو انجام دینا چاہیے البتہ والد کا کہنا تھا کہ یہ کام مجھے ہی کرنا چاہیے۔ اس واقعے نے مجھے بہت زیادہ خوشی دی ہے۔ ابھی مجھے خود بھی روحانیت کے سفر میں آگے جانا ہے لیکن میں اپنے پرجوش جذبات سب سے شئیر کرنا چاہتی ہوں“

یہ کہنا ہے سوشم میڈیا انفلوئنسر مریم نسیم کا جن کا تعلق پشاور سے ہے۔ مریم نسیم آسٹریلیا میں پاور لفٹنگ کے مقابلے میں چاندی کا تمغہ جیت چکی ہیں اور سوشل میڈیا پر انفلوئسر کا درجہ رکھتی ہیں۔ حال ہی میں مریم نے ایسی ویڈیو شئیر کی جس میں وہ اپنے ساتھی کو کلمہ پڑھاتے دیکھی جاسکتی ہیں۔

مریم کہتی ہیں کہ قریبی دوستوں کے ساتھ ہم کین کا اسلام میں پرتپاک استقبال کرنے کے لیے جمع ہوئے تھے یہ اہم موقع تھا جس کا جشن منانا ضروری تھا۔ میں دعاگو ہوں اور اپنے مداحوں سے بھی اپنے اور کین کے لئے اسلام کی راہ پر چلنے کے لئے دعاؤں کی امید کرتی ہوں۔