وٹامن ڈی کی کمی کا شکار ہیں تو جانیں آپ کونسی ورزش اور صحت مند غذاؤں کے استعمال سے اس کی کمی کو پورا کر سکتے ہیں

وٹامن ڈی ہماری ہڈیوں کی صحت کے لئے بے حد ضروری ہے وٹامن ڈی دانتوں، دل کی صحت، ذہنی صحت سمیت کئی مسائل سے نمٹنے میں اہم کردار ادا کرتا ہے، آج ہم آپ کو چند ایسے طریقے بتانے جا رہے ہیں جن کو اپنا کر آپ اپنے جسم سے وٹامن ڈی کی کمی کو پورا کر سکتے ہیں۔

• جسم میں وٹامن ڈی کو بڑھانے کے طریقے

ماہرینِ صحت کے مطابق وٹامن ڈی کی کمی کو پورا کرنے کے لئے سپلمنٹس کے استعمال کے ساتھ ساتھ آپ کو اپنی طرزِ زندگی اور ڈائٹ کا خیال رکھنا بے حد ضروری ہے چند بتائے گئے نکات پر عمل کر کے آپ وٹامن ڈی کی کمی کو پورا کر سکتے ہیں۔

• ورزش نہ چھوڑیں

اگر آپ کے جسم میں وٹامن ڈی کی کمی ہے تو سب سے پہلے یہ بات جان لیں کہ آپ کو ورزش کسی صورت نہیں چھوڑنی کیونکہ یڈیوں کی کمزوری کو دور کرنے کے لئے ہڈیوں کا لچکدار ہونا بھی ضروری ہے اور اس کے لئے ورزش اہم کردار ادا کرتی ہے، ورزش کرنے کی وجہ سے آپ کے جسم میں وٹامن ڈی کی کا لیول بوسٹ ہوتا ہے اس لئے آپ ورزش کے حیرت انگیز فوائد سے ہرگز انکار نہیں کر سکتے۔

• وٹامن ڈی سے بھرپور غذاؤں کا استعمال کریں

وٹامن ڈی کو حاصل کرنے کے لئے آپ کو روزانہ کی بنیاد پر ایسی غذاؤں کا استعمال کرنا ہوگا جن میں وٹامن ڈی وافر مقدار میں موجود ہو، اس کے لئے آپ کو اپنی غذا میں دیسی گھی، دودھ، مکھن، مشروم، انڈے کی زردی، مچھلی اور گری دار میوں کو استعمال کرنا ہوگا تاکہ آپ کے جسم میں موجود وٹامن ڈی کی کمی کو پورا کیا جا سکے۔

• فیٹ کا استعمال نہ چھوڑیں

یہ جان لیں کہ فیٹ کا مطلب صرف نقصان دہ چربی نہیں بلکہ وہ فیٹ بھی ہوتا ہے جو آپ کی صحت کے لئے انتہائی اہم ہیں اور وٹامز کی طرح آپ کے لئے ضروری ہیں، دیسی گھی، مکھن، ناریل کا تیل وغیرہ کا استعمال آپ کو صحت بخش فیٹ فراہم کرتے ہیں اس لیے اپنی غذا میں ان کو لازمی شامل کریں۔

• صبح کی دھوپ لیں

وٹامن ڈی حاصل کرنے کا سب سے آسان طریقہ ہے کہ صبح کی دھوپ لیں اور اس سے بھرپور فائدہ اُٹھائیں کیونکہ اس سے سستہ اور بہترین طریقہ نہیں ہو سکتا کہ ہم جسم میں وٹامن ڈی کی کمی کو پورا کر سکیں کوشش کریں کہ صبح سویرے ایسی جگہ ورزش کریں جہاں آپ کو سورج کی ہلکی دھوپ بھی میسر ہو تاکہ ورزش اور سورج کی شعاعوں دونوں سے ہی وٹامن ڈی کا حصول یقینی ہو جائے۔
یاد رہے کہ وٹامن ڈی ہمارے جسم میں موجود کیلشیم کو جذب کر کے ہڈیوں کو مضبوط بناتا ہے یہ ہمارے قوتِ مدافعت کو بڑھاتا ہے اور ہماری مکمل صحت مند زندگی کے لئے انتہائی اہم ہے، اس کئے آج ہی سے ہمارے بتائے ہوئے طریقے اپنائیں اور وٹامن ڈی کی کمی کو آسانی سے پورا کریں۔

By Sadia    |    In Health and Fitness   |    0 Comments    |    1053 Views    |    22 Jun 2021

Comments/Ask Question

Read Blog about وٹامن ڈی کی کمی کا شکار ہیں تو جانیں آپ کونسی ورزش اور صحت مند غذاؤں کے استعمال سے اس کی کمی کو پورا کر سکتے ہیں and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (وٹامن ڈی کی کمی کا شکار ہیں تو جانیں آپ کونسی ورزش اور صحت مند غذاؤں کے استعمال سے اس کی کمی کو پورا کر سکتے ہیں) and how to utilize other natural ingredients to cure diseases, easy recipes, and other information related to food from KFoods.