ناک پہ ہر وقت غصہ دھرا رہتا ہے، چڑچڑے پن کی وجہ سے لوگ دور بھاگتے ہیں، بلڈ پریشرہائی رہتا ہے، نیند رات بھر نہیں آتی تو ان سب مسائل کے حل کے لئے حکیم رضا الٰہی کا سفوف سکون کا نسخہ

جن لوگوں کو غصہ بہت آتا ہے، ان کے غصے کی وجہ سے لوگ بات کرنے سے گھبراتے ہیں ، چڑچڑا پن، ہر وقت چیخ پکار، ہائی بلڈ پریشرکے مریض بن گئے ہیں، پوری رات بیٹھ کر تارے گنتے ہیں، نیند کی گولیاں بھی بے اثر ہیں۔ ایسے لوگ کیا کریں کہ ان کو رات کو نیند آجائے، رات کو نیند نہ آنے کی وجہ سے بھی بہت سی بیماریاں پیدا ہوجاتی ہیں کیونکہ آپ کا ذہن پرسکون نہیں ہو پاتا اس لئے ہائی بلڈ پریشر، چکر، چڑچڑا پن ، یہ سب علامات پیدا ہو جاتی ہیں ۔ان سب پر قابو پانے کے لئے آج ہم حکیم رضا کا ایک مجرب نسخہ لے کر آئے ہیں جو کہ ان سب مسائل کا بہترین حل ہے ۔ اس کا باقاعدگی سے تین دن استعمال آپ کو ذہنی طور پر پرسکون کر کے آپ کی بیماریوں کو دور کرنے میں مدد کرے گا۔
سبز الائچی 10 گرام
دارچینی 10 گرام
اسرول 10 گرام
پودینہ ٹکی 10 گرام
صندل سفید 10 گرام
ان سب کو ملا کر پیس لیں۔ جن لوگوں کو غصہ بہت آتا ہے، چڑچڑا پن رہتا ہے وہ لوگ چوتھائی چائے کا چمچ پانی کے ساتھ صبح اور شام لیں۔
دو چٹکی صبح شام بی پی کے مریض لیں، انشاء اللہ ان کا بی پی کنٹرول میں آجائے گا۔
بےخوابی کے مریض چوتھائی چمچ عصر کے وقت لے لیں۔ تاکہ رات میں ان کو پرسکون نیند آئے۔
اس نسخے کو مسلسل تین دن استعمال کریں اور فرق دیکھیں اگرتو فوری رزلٹ ظاہر ہو رہا ہو تو اس کا استعمال کرتے رہیں۔ ورنہ اپنے معالج سے مشورہ کریں۔