قد بڑھانا چاہتے ہیں؟ تو جانیئے کچھ ایسے طریقے جن سے آپ کا قد 18 سال کی عمر کے بعد بھی بڑھ سکتا ہے

عموماً آپ نے دیکھا ہوگا جن لوگوں کے قد چھوٹے ہوتے ہیں ان میں سے اکثر احساسِ کمتری کا شکار رہتے ہیں، کیونکہ ہر کوئی چاہتا ہے اسکا قد لمبا ہو۔ انسان کا قد ایک ایسی اہم چیز ہے جس کے زریعے اس میں اعتماد آتا ہے اور اسکی شخصیت ابھر کر سامنے آتی ہے۔

بچپن سے ہم نے سنا ہے کہ قد 18 سال کی عمر تک ہی بڑھتا ہے، لیکن ایسا کچھ نہیں ہے کچھ لوگوں کا قد اسکے بعد بھی بڑھتا ہے اور بڑھ سکتا ہے، اور وہ کیسے ممکن ہے؟ اسکے لیئے بس اپنی روزمرہ زندگی میں کچھ تبدیلیاں کرنی ہونگی اور کیا ہیں یہ ہم آپ کو بتا رہے ہیں

کیلشیم اور وٹامن ڈی والی غذائیں:

قد بڑھانے کے لئے جسم کو کیلشیم اور وٹامن ڈی کی وافر مقدار فراہم کرنا لازمی ہے، اس لیے کوشش کریں کہ ایسی غذا کا استعمال کریں جن میں کیلشیم اور وٹامن ڈی زیادہ ہو اور آپ کے جسم میں اس کی کمی پوری ہو سکے اس کے لئے مچھلی، دودھ، دہی، انڈا، مشروم وغیرہ کا استعمال کیا جا سکتا ہے۔

آسوگاندھ کا پاؤڈر:

یہ ایک ایسی جڑی بوٹی ہے جس کا استعمال قد بڑھانے کے لئے کیا جاتا ہے، اگر 2 کھانے کے چمچ آسوگاندھ کا پاؤڈر گرم دودھ میں ملا کر سونے سے قبل پیا جائے تو جسم کی نشونما تیزی سے ہو گی۔

نیند پوری کرنا:

نیند کا پورا نہ ہونا ہمارے جسم میں مختلف تبدیلیوں کا سبب بنتا ہے، اس لئے اگر 8 گھنٹے کی مکمل نیند لی جائے تو اس کا مثبت اثر آپ کی جسمانی نشونما پر بھی پڑے گا اور آپ کا قد بڑھ سکے گا۔

ورزش اور یوگا کرنا:

روزش آپ کی جسمانی نشونما میں بہترین کردار ادا کرتی ہے، اگر آپ روزانہ چہل قدمی، جاگنگ، مختلف ورزش اور کھیل وغیرہ میں حصہ لیں تو یہ آپ کے قد بڑھنے کا سبب بن سکتا ہے۔ اور یوگا کرنے سے انسان کے جسم سے ٹینشن اور دباؤ ختم ہوتا ہے اور اس سے جسم کو نشونما میں مدد ملتی ہے جب آپ یوگا کریں گے تو جسم کے پٹھے کھچیں گے اور اس طرح جسم میں مثبت تبدیلی آئے گی۔

مثبت سوچ اور طرزِ زندگی:

یہ ضروری نہیں کہ اگر قد کم ہو تو آپ خود پر توجہ ہی نہ دیں اور احساسِ کمتری کا شکار ہوجائیں، بلکہ جہاں اس کو بڑھانے کے لئے ٹپس استعمال کریں وہیں غیر ضروری اور مضرِ صحت اشیاء کا استعمال بھی ترک کر دیں، ساتھ ہی اُٹھنے بیٹھنے میں اپنے جسم کو سیدھا رکھیں جھک کر نہ بیٹھیں اور خود پر اعتماد بحال کریں۔