کیا آپ بھی وٹامن سی کی کمی کا شکار ہیں؟ جانیئے وٹامن سی کی کمی کو پورا کرنے کے 5 بہترین طریقے

ہم سب یہ بات جانتے ہیں کہ وٹامن سی ہماری خوراک کا لازمی حصہ ہے، اور اکثر افراد وٹامن سی کی کمی کا شکار ہوجاتے ہیں، لیکن کیا آپ جانتے ہیں کہ وٹامن سی کی کمی سے بچنے کے لیے گھر میں کیا کیا اقدامات کیے جا سکتے ہیں؟ اگر جاننا چاہتے ہیں تو اس تحریر کو آخر تک ضرور پڑھیں۔

• وٹامن سی کی کمی کی علامات

کیا آپ کو بہت آسانی سے چوٹ لگ جاتی ہے؟ کیا آپ کے جسم میں لگے کسی بھی زخم بھرنے میں زیادہ وقت لگتا ہے؟ اگر آپ برش کرتے ہیں تو کیا آپ کے مسوڑھوں سے فوری خون نکلنے لگتا ہے؟ اگر ان تمام سوالوں کا جواب ہاں میں ہے تو ہو سکتا ہے آپ میں وٹامن سی کی کمی ہو۔
یہی نہیں بلکہ کمزور تھکاوٹ، ناخنوں میں سفید نشان یا جسم پر سفید دھبے یہ تمام آپ کو اس بات کا اشارہ کر رہے ہیں کہ آپ وٹامن سی کی کمی کا شکار ہو چکے ہیں، مگر ایسے میں چند گھریلو طریقے اپنا کر آپ وٹامن سی کی کمی کو باآسانی پورا کر سکتے ہیں وہ کون سے طریقے ہیں آیئے جانتے ہیں۔

وٹامن سی کی کمی کو پورا کرنے کے 5 گھریلو طریقے

• کھٹے پھلوں کا استعمال

دہلی میں مقیم غذائیت کی ماہر ڈاکٹر روپالی دتا کہتی ہیں کہ "نیشنل انسٹی ٹیوٹ آف نیوٹریشن کے مطابق، ہمارے جسم کو روزانہ 40 ملی گرام وٹامن سی کی ضرورت ہوتی ہے، وٹامن سی قوت مدافعت کے لیے بہت اچھا ہے اور ہماری جلد اور ہڈیوں کے صحت مند کولیجن کی تشکیل کے لیے ضروری ہے''، اس لئے سردی یا گرمی ہر موسم میں آنے والے کھٹے پھلوں جیسے انار، انگور، کینو، موسمی، اسٹرابیری، سیب، آلو بخارے اور انناس وغیرہ کا لازمی استعمال کریں یہ وٹامن سی کی کمی دور کرنے کا بہترین طریقہ ہے۔

• پپیتا

پپیتا اینٹی آکسیڈنٹ غذائی اجزاء جیسے کیروٹینز، فلیوونائڈز اور وٹامن سی سے بھرپور ہوتا ہے، پپیتا سلاد یا جوس کی شکل میں استعمال کیا جا سکتا ہے، ڈی کے پبلشنگ کی کتاب "ہیلنگ فوڈز" کے مطابق پپیتا اپنی اینٹی بیکٹیریل خصوصیات کے لیے بھی جانا جاتا ہے ساتھ ہی وٹامن سی کی کمی پوری کرنے کے لئے پپیتے کا استعمال بےحد فائدے مند ہے۔

• سبزیاں

صرف پھل ہی ہیں بلکہ سبزیاں بھی وٹامن سی حاصل کرنے کا زریعہ ہیں، ٹماٹر، بروکولی، پالک، شملہ مرچ، کھیرا، ککڑی وغیرہ وٹامن سی کی کمی کو دور کرنے کے لئے استعمال کی جا سکتی ہیں، اسے بطور سلاد استعمال کریں یا پکا کر کھائیں یہ آپ کی مرضی ہے۔

• وٹامن سی سپلمنٹ

وٹامن سی کی کمی کو پورا کرنے کے لئے ماہرین ایسے سپلمنٹ بھی تجویز کرتے ہیں جو خاص کر وٹامن سی کی کمی کو پورا کرنے کے لئے تیار کئے جاتے ہیں، جیسے کیل سی 1000 کی گولیاں یا پھر آپ اپنے ڈاکٹر کی تجویز کردہ وٹامن سی سپلمنٹ بھی استعمال کر سکتے ہیں۔