میں اپنے باپ کی طرح نہیں بنوں گا۔۔ عثمان مختار کے والد کیسے تھے؟ اداکار نے بچپن کے راز کھول دیئے

Usman Mukhtar Talks About His Father And Fatherhood

پاکستانی اداکار عثمان مختار نے حال ہی میں ایک پوڈکاسٹ میں اپنے بچپن اور والد کے ساتھ تعلقات پر کھل کر بات کی، اور وعدہ کیا کہ وہ اپنے والد کی غلطیاں کبھی دہرائیں گے نہیں۔ اداکار نے بتایا کہ ان کے والد کا رویہ ان کے لیے ہمیشہ مشکل اور چیلنجنگ رہا، اور وہ اس رویے کو اپنی بیٹی کے ساتھ دہرانا نہیں چاہتے۔

عثمان مختار نے بتایا کہ والد کے سخت رویے نے انہیں زندگی میں کئی چیزیں سکھائیں، مگر وہ اپنی بیٹی کے لیے ایک مختلف اور محبت بھرا ماحول بنانا چاہتے ہیں۔ انہوں نے اعتراف کیا کہ والد کی موجودگی اور بچپن کے تجربات نے انہیں مضبوط بنایا، مگر یہی وجہ ہے کہ وہ اپنی بیٹی کی پرورش میں ہر چھوٹی بڑی بات کا خاص خیال رکھتے ہیں۔

ایک دلچسپ واقعہ سناتے ہوئے عثمان نے کہا کہ وہ خود کو وہمی باپ قرار دیتے ہیں، کیونکہ بیٹی کے پیدا ہونے سے پہلے ہی وہ ڈاکٹر کے کلینک پہنچ گئے تھے تاکہ ویکسین اور صحت کی ضروریات کا مکمل جائزہ لے سکیں۔

اداکار کا کہنا تھا کہ بچپن کے تجربات انسان کی شخصیت اور سوچ کو تشکیل دیتے ہیں، اور وہ اپنی بیٹی کے لیے ہر قدم پر بہترین والد بننے کی کوشش کر رہے ہیں۔