جلد سے جھریاں دور اور بال جھڑنا بند۔۔ سدا بہار کا یہ عام سا پودا حسن میں اضافے کے لئے کیسے استعمال کریں؟ جانیں ڈاکٹر بلقیس کی زبانی

سدا بہار کا پودا پاکستان میں ہر جگہ عام موجود ہوتا ہے۔ اس کی قیمت بھی کافی کم ہوتی ہے اور باآسانی اگایا جاتا ہے۔ یہی وجہ ہے کہ اس کو ہمارے ہاں اتنی اہمیت نہیں دی جاتی کیوں کہ جو چیز عام ملتی ہے لوگ اسے جائز اہمیت بھی نہیں دیتے۔ البتہ مہنگائی کے اس دور میں جہاں اب سب ہی سخت پریشان ہیں اس لئے ہم سدا بہار کے پتوں سے چہرے اور بالوں پر لگانے کا ایسا ٹانک بتائیں گے جو آپ کے مسائل دور کرنے کے علاوہ ہزاروں روپے کی بچت بھی کرے گا۔

بالوں کا جھڑنا روکنے کے لئے

اگر آپ کے بال خشک اور بے جان ہو کر جھڑ رہے ہیں تو سدا بہار کی پتیاں لیں اور انھیں ہلکا سا کیسٹر آئل ڈال کر بلینڈ کرلیں اب اس میں آدھا چمچ پسی ہوئی ہلدی ملا کر دوبارہ بلینڈ کرلیں۔ اس آمیزے کو سر کی جلد میں اچھی طرح لگا کر مساج کریں اور کچھ گھنٹوں بعد دھو لیں۔ بال خوبصورت اور گھنے ہوجائیں گے۔

جھریاں دور کرنے کے لئے ماسک

سدا بہار کے پھولوں کی پتیاں لے کر پانی میں ڈال کر بلینڈ کرلیں اور چھان کر نکال لیں۔ اس میں ایلویرا جیل بلینڈ کر کے ملا لیں اور اس آمیزے کو شیشی میں رکھ کر محفوظ کرلیں۔ اس کو سونے سے پہلے جلد پر اور آنکھوں کے گرد لگائیں۔ چند دن میں ہی جھریاں کم ہوجائیں گی اور جلد ٹائٹ ہوجائے گی۔