ہڈیوں میں اتنا درد کہ بیتُ الخلاء جانا بھی محال ۔۔ سردی میں صحت مند رہنے کے لیے یخنی کیوں ضروری ہے؟ فائدے اب سب کیلئے

غم اور درد زندگی میں ساتھ ساتھ ہیں۔ لیکن سردی کے موسم میں ہر پُرانے سے پُرانا جسمانی درد بھی اپنی یاد تازہ کرنے آجاتا ہے چاہے وہ کسی ہڈی یا جوڑ کی تکلیف ہو یا کوئی اندرونی مسلز کی، تمام ہی درد دوبارہ سے شروع ہو جاتے ہیں یا تو جسم میں اکڑاہٹ ہو جاتی ہے۔ جہاں قدرت نے سردی میں انسانوں کو بیماریوں میں مبتلا کیا وہیں ایسے کھانے اور اجزات بھی پیدا کیے جو ان سے دور رکھنے، بچانے اور کنٹرول کرنے میں مدد دیتے ہیں۔

یخنی سردی میں استعمال ہونے والی ایک عام غذا ہے جسے دوائی بھی کہیں تو کچھ برا نہ ہوگا کیونکہ یخنی کا استعمال ہمارے صحت مند رہنے کے لئے بہت ضروری ہے۔ جن کو اس سادہ سے مشروب کے فائدے نہیں معلوم ان کو چاہیے کہ وہ مزیدار یخنی پینے کے ساتھ یہ فائدے بھی جانیں تاکہ فائدے آپکو خود کو صحت مند رکھنے میں بھی مدد دیں۔

یخنی فائدے مند کیوں ہے؟

فائدے جاننے سے پہلے اہم سوال یہ ہے کہ یخنی فائدے مند ہونے کی اصل وجہ کیا ہے؟ تحقیق کے مطابق بات کی جائے تو اس میں چکن کو خوب پکایا جاتا ہے، ساتھ اس میں شامل مصالحہ جات ایک دوسرے کے ساتھ مل کر جسم میں گرمائش پیدا کرتے ہیں۔ ٹھنڈے موسم میں غذائی گرمائش ہی جسمانی کمزوریوں کو دور کرنے میں مدد دیتی ہے اور سب سے بنیادی وجہ بھی یہی ہے کہ یخنی فائدے مند ہے۔

فوائد:

٭ جوڑوں کا درد:

اگر آپ بھی ان لوگوں میں سے ہیں جن کو جوڑوں کے درد کے باعث بیتُ الخلاء بھی جانے میں تکلیف ہوتی ہے تو یخنی کا استعمال ضرور کریں لیکن کوشش کریں کہ نمک کی زیادہ مقدار کو استعمال نہ کریں۔ صبح نہارمنہ بھی اس کا استعمال مفدی ہے اور رات سونے سے قبل تو یہ چھوٹے موٹے مسائل کا آسان حل ہے۔

٭ نزلہ زکام:

نزلہ زکام سردی میں ہونا کوئی بڑی بات نہیں، لیکن خیال نہ رکھنا مسئلے کا باعث بن سکتا ہے۔ لہٰذا اس مشکل کےحل میں یخنی آپ کی بہترین ساتھی ہے۔

٭ سانس کا مرض:

اس موسم میں بچوں کو سانس کا مرض زیادہ ہوتا ہے اور بڑے بھی پریشانی کا سامنا کرتے ہیں وہ اپنی ادویات کے ساتھ یخنی کو پینا نہ بھولیں۔

٭ نیند کی کمی:

نیند نہ آنے کا مسئلہ اب بہت زیادہ عام ہوگیا ہے کیونکہ ڈپریشن کے امراض نے نیندیں ختم کردی ہیں، ان تمام سے بچنے کے لیے رات سونے سے قبل یخنی کا استعمال لازمی کریں۔