نزلہ ہو یا گلے میں درد۔۔ جاپان میں ان بیماریوں کا علاج انگلیوں کی مدد سے کس طرح کیا جاتا ہے؟

اکثر کہا جاتا ہے کہ بہت زیادہ تھکن ہو تو نیم گرم پانی میں پیر ڈال دو۔ جن لوگوں نے یہ طریقہ آزمایا ہے وہ جانتے ہیں کہ اس سے تھکن کا احساس کتنا کم ہوجاتا ہے۔ جاپان کے قدیم علم جن شن جیوتسو کے مطابق ہمارے ہاتھ اور پیروں کی نسیں کسی نہ کسی طرح جسم کے اعضاء سے جڑی ہوتی ہیں۔ اس لئے ہاتھ کے مخصوص حصوں پر دباؤ ڈالنے سے کچھ مسائل کم کیے جاسکتے ہیں۔ اس آرٹیکل میں ہم آپ کو اس علاج کے بارے میں بتائیں گے تاکہ آپ بھی اس سے فائدہ اٹھا سکیں۔

انگلیوں کی پوریں

انگلیوں کی پوروں پر ہلکے ہاتھوں سے دباؤ ڈالنے سے نزلہ، زکام اور گلے کے درد جیسے مسائل کافی حد تک کم ہوسکتے ہیں۔ پانچ سیکنڈ تک انگلیوں کی پوروں پر دباؤ ڈالنے کے بعد انھیں ہلکا سا اوپر کھینچیں۔

انگلیوں کے جوڑ

انگوٹھے کے علاوہ باقی چاروں انگلیوں کے دوسرے جوڑ پماری آنکھوں اور کانوں سے جڑے ہوتے ہیں۔ اگر اس جگہ دباؤ ڈالا جائے تو کان اور آنکھ کی تکالیف کم ہوسکتی ہیں۔

پھیپھڑوں کے مسائل حل کرنے کےچار پریشر پوائنٹس

تصویر میں بتائے گئے چار پریشر ہوائنٹس کو باری باری پانچ سیکنڈز کے لئے دبائیں۔ یہ پریشر پوائنٹس سانس کی تکلیف، نزلہ، کھانسی اور گلے میں درد کا علاج کرنے کے علاوہ ریڑھ کی ہڈی میں ہونے والا درد بھی کم کرتے ہیں۔

ذہنی تناؤ

2018 میں کی گئی ایک تحقیق کے مطابق تصویر میں دی گئے پریشر پوائنٹس کو دبانے سے ان مریضوں میں اعصابی تناؤ بہت کم دیکھا گیا جن کی تھوڑی دیر بعد دل کی سرجری ہونی تھی۔ اگر آپ بھی اعصابی اور ذہنی تناؤ کا شکار رہتے ہیں تو اس جگہ پانچ سیکنڈ کا ہلکا سا دباؤ ڈال کر آزما سکتے ہیں۔

معدے میں درد کے لئے

تصویر میں ہتھیلی کے آگے اور پیچھے کی جانب دیے گئے ان پریشر پوائنٹس پر دباؤ ڈالنے سے معدے میں درد، الٹی اور طبعیت متلانے میں راحت مل سکتی ہے۔