بیوی کو بُرا کہا، سگی بیٹی کو تو بخش دیتے ۔۔ جویریہ عباسی اور شہود نے شمعون کے متنازعہ بیان پر ایسا کہا کہ سوشل میڈیا صارفین بھی ان کا ساتھ دینے لگے

“بیٹی انزلہ کی شادی بہت بہت مبارک ہو۔ میں تم دونوں کے لئے بہت خوش ہوں۔ ہم 28 برسوں سے دوست ہیں اور میں گواہ ہوں کہ اکیلی عورت اور سنگل پیرنٹ کے طور پر تم نے اپنی بیٹی کی پرورش کے لئے کتنے چیلنجز پورے کیے ہیں۔ اب جب تم نے اس کی اچھی جگہ شادی کردی ہے مجھے تم پر بہت فخر ہے کیونکہ مشکل وقت میں تمھیں بہت جدوجہد کرتے ہوئے دیکھا ہے۔ تم نے رشتے بہت بخوبی نبھائے دوست۔ کوئی کچھ بھی کہے مجھے تم پر فخر ہے“

یہ الفاظ ہیں مشہور سینئیر اداکار شہود علوی کے جو انھوں نے اپنی ساتھی اداکارہ جویریہ عباسی کی صاحبزادی انزلہ عباسی کی شادی کے موقع پر مبارکباد دیتے ہوئے ادا کیے۔ جس کے جواب میں جویریہ عباسی لکھتی ہیں کہ “لو یو میرے دوست۔ تم اس تمام عرصے میں میرا بہت بڑا سہارا رہے ہو۔ میں تم جیسے دوست ملنے پر خدا کی شکر گزار ہوں۔ میرے اچھے برے وقت میں ساتھ دینے کا شکریہ۔ جیتے رہو، خوش رہو اور ہمیشہ آباد رہو“

واضح رہے یہ پوسٹ معروف اداکار نے اس وقت کی ہے جن انزلہ عباسی کی شادی میں ان کے والد نے شرکت تک نہیں کی بلکہ کسی کا نام لئے بغیر ایک انتہائی متنازع پوسٹ شئیر کی جس کا لب لباب یہ تھا کہ وہ کسی بے شرم شخص سے کوئی تعلق نہیں رکھنا چاہتے بھلے ان کا کوئی بھی قریبی رشتہ ہو۔ بعد ازاں شمعون عباسی نے یہ پوسٹ ڈیلیٹ کردی لیکن سوشل میڈیا صارفین نے انھیں بیٹی کی شادی میں شرکت نے کرنے اور سخت الفاظ استعمال کرنے پر کڑی تنقید کا نشانہ بنایا۔