تُلسی اور اسگندھ ناگوری کی چائے پینے سے کیا ہوتا ہے؟ جانیئے اس کے بہترین فائدے

تُلسی کا استعمال ہر گھر میں ہی ہوتا ہے، کبھی کھانا بنانے میں تو کبھی سلاد کے اوپر ڈال کر کھانے میں تو کبھی اس کے منفرد ڈرنکس پیتے ہیں اور اسگندھ ناگوری جس کا نام تو شاید آپ نے سُنا ہو مگر استعمال نہ کی ہو تو آج کے-فوڈز میں جانیئے ان دونوں جڑی بوٹیوں کے خاص فائدے جو جان کر آپ بھی استعمال کرنے کے بارے میں ضرور سوچیں گے۔

تُلسی اور اسگندھ ناگوری کی چائے بنانے کا طریقہ:

٭ اسگندھ ناگوری کا ایک انچ کا ٹکڑا لیں اور اس کو اچھی طرح صاف کرلیں۔
٭ ایک پتیلی میں پانی ڈالیں اور اس کو ہلکی آنچ پر پکائیں۔
٭ جیسے ہی پانی گرم ہونے لگے، اس میں تلسی کے دو سے چار پتے اور اسگندھ ناگوری ڈال کر اچھی طرح پکائیں۔
٭ جوش آنے پر اس کو چھان لیں اور اس میں لیموں شامل کرلیں۔
٭ اس چائے کو روزانہ رات میں سونے سے پہلے پی لیں۔

فائدہ:

٭ اس کو پینے سے ڈپریشن، پریشانی، فکر دور ہوگی اور آپ کو ذہنی سکون ملے گا۔
٭ اس کو پینے سے آپ کے جسم میں موجود اضافی کولیسٹرول بھی ختم ہو جائے گا اور آپ کا دورانِ خون بھی بہتر ہوگا۔
٭ جوڑوں کے درد میں تلسی اور اسگندھ ناگوری دونوں بہت مفید سمجھے جاتے ہیں، اس سے نہ صرف جوڑوں کا درد ختم ہوگا بلکہ جسم میں سوجن کی شکایت بھی ختم ہو جائے گی۔
٭ آنکھوں میں درد، آنکھوں کا آنا، سوجن اور دانے ہو جانے کی صورت میں بھی یہ چائے آپ کو بہت فائدے دیتی ہے۔
٭ جن لوگوں کو جسم میں مختلف جگہوں پر ایکنی اور تکلیف دے دانوں کی شکایت ہوتی ہے ان کے لئے یہ چائے فائدے مند ہے کیونکہ یہ جسم کو سکون دیتی ہے اور ہماری جلد کے فیبرولز میں موجود پس کو نکالنے کا کام کرتی ہے۔