سردی کا موسم آتے ہی سر میں خشکی ہونے لگی ہے؟ ابھی سے اسے کنٹرول کریں جانیئے سر سے خشکی کا خاتمہ کرنے کے لئے بہترین نسخے

آپ کو کیسا لگے گا کہ آپ صبح انٹریو کے لئے جانا ہو، یا رات میں کسی ڈنر پارٹی میں اور آپ کے کندھوں پر سفید سفید خشکی نظر آئے اور جب آپ اپنے بالوں پر نظر ڈالیں تو اس میں خشکی ہی خشکی بھری ہوئی ہو؟
ظاہر ہے کہ بےحد بُرا لگے گا، مگر دوستوں خشک موسم کا آغاز ہو چکا ہے اور اب آپ کو ان مسائل کا سامنا کرنا پڑے گا، تو پھر پہلے سے ہی کیوں نہ کچھ تیاری کر لی جائے، آج کے فوڈز آپ کو بتائے گا کہ کس طرح آپ گھریلو نسخوں کو اپنا کر اپنے سر سے ساری خشکی کا خاتمہ کر سکتے ہیں تو آیئے پھر شروع کرتے ہیں۔

• سرد موسم میں خشکی سے نمٹنے کے آسان گھریلو طریقے

• سرکہ

سرکہ ایک نہیں ڈھیروں فوائد کے ساتھ قدرت کی جانب سے ہم سب کے لئے ایک انمول تحفہ ہے، اگر آپ کے سر میں خارش ہو رہی ہے، خشکی ہو گئی ہے یا سر کی جلد بہت روکھی سوکھی ہو رہی ہے تو اس کے لئے سرکہ بہت بہترین چیز ہے کیونکہ سرکے میں چراثیم اور بیکٹیریا کو ختم کرنے کی صلاحیت ہوتی ہے بس کرنا اتنا ہے کہ ایک اسپرے بوتل میں برابر مقدار میں آدھا پانی اور آدھا سرکہ شامل کر کے مکس کریں اور نہانے سے آدھے گھنٹے پہلے اسے اچھی طرح سر پر لگا لیں پھر آدھے گھنٹے بعد سر دھو لیں۔

• بیکنگ سوڈا

بیکنگ سوڈا استعمال کرنے سے آپ کے سر سے خارش، خشکی، جلن، دانوں اور فنگس کا خاتمہ ہو سکتا ہے، یہ آپ کے سر کی جلد کو نرمی سے ایکسفولیٹ کرتا ہے اور جلد کو چکنا بناتا ہے، بس اپنے شیمپو میں 2 سے 3 چمچ بیکنگ سوڈا شامل کر کے اچھی طرح مکس کر لیں اور اس شیمپو سے نہائیں، سر کی جلد سے خارش دور ہوگی، جلد چمکدار اور چکنی ہو جائے گی اور خشکی کا خاتمہ وہ جائے گا۔

• نیم

یہ تو ہم سب ہی جانتے ہیں کہ نیم اینتی بیکٹیریل اور اینٹی فنگل خصوصیات رکھتا ہے، جلد سے لے کر بالوں کے لئے نیم بےحد مفید ہے، نیم کے پتوں کو اُبال کر اس پانی سے سر دھونے سے سر کی جلد سے خشکی کا خاتمہ ہوتا ہے خارش دور ہوتی ہے اور جلد پر چکنائی آ جاتی ہے، نیم سر کی جلد سے جراثیموں کا خاتمہ کر دیتا ہے۔

• لہسن

سر سے خشکی اور خارش کا خاتمہ کرنا ہے تو لہسن کا استعمال کریں، آپ سوچ رہے ہوں گے کہ بھلا لہسن بھی کوئی سر میں لگاتا ہے، تو جناب جی ہاں، لہسن کی اینٹی بیکٹیریل اور اینٹی فنگل خصوصیات کی بنا پر اسے سر میں لگانا بھی بےحد مفید ہے بس ایک اسپرے بوتل میں پسے ہوئے 2 لہسن اور پانی شامل کریں اسے اچھی طرح مکس کریں اور سر میں لگا لیں، سرد موسم میں ہونے والی سر کی خشکی خارش ہر مسئلے سے نجات مل جائے گی۔