لڑکا پسند آیا تو امی نے انکار کردیا.. تانیہ حسین کو کیسا جیون ساتھی چاہیے؟ چند دلچسپ باتیں

"میرا لائف پارٹنر ایسا شخص ہو جو خیال رکھنا اور سپورٹ کرنا جانتا ہو جیسی میں ہوں ویسا ہی رہنے دے اور بدلنے کی کوشش نہ کرے۔ ایک بار ایسا لگا تھا کہ ایسا جیون ساتھی مل گیا لیکن وہ حقیقت میں ویسا نہیں تھا اور بعد میں میری والدہ نے بھی انکار کردیا تھا"

یہ کہنا ہے تانیہ حسین کا جنھوں نے ایک نجی چینل کے مشہور ڈرامے سیریل مقدر کا ستارہ میں رمشا کا منفی کردار نبھایا ہے.

تانیہ حسین نے حال ہی میں نجی ٹی وی کے شو میں اپنی والدہ نتاشہ حسین کے ساتھ شرکت کی اور اپنی ذاتی زندگی اور کیریئر کے حوالے سے باتیں کیں.

نتاشہ حسین نے بتایا کہ تانیہ نیٹ فلکس پر انگریزی شوز اور سیریز دیکھتی تھیں تو میں نے ان سے کہا کہ ایک ڈرامہ دیکھ لو تو انھوں نے انکار کرتے ہوئے کہا کہ میں اس وقت اردو ڈرامہ نہیں دیکھ سکتی میں اپنے شوز دیکھ رہی ہوں لیکن میں نے ضد کی اور تانیہ سے کہا کہ یہ ڈرامہ میری خاطر دیکھ لو پھر انہوں نے دو سے تین بعد وہ ڈرامہ دیکھا اور کہنے لگیں مجھے اداکاری کرنی ہے، تانیہ کا یہ جملہ سنتے ہی میرے ہاتھ سے فون گر گیا

شوبز کی دنیا میں آنے کے بارے میں بات کرتے ہوئے تانیہ نے قصہ سنایا کہ وہ ایک ڈرامے کی شوٹنگ لاڑکانہ میں کررہی تھی اس دوران گھر کی یاد آرہی تھی تو ساتھی اداکارہ نے کہا کہ انھیں اداکاری میں میرا مستقبل نظر نہیں آرہا۔ البتہ آج کل تانیہ حسین کا شمار انڈسٹری کی ابھرتی ہوئی اداکاراؤں میں کیا جاتا ہے.جبکہ ان کی والدہ ماضی کی مشہور ماڈل تھیں