دیسی گھی کھا کر صرف 4 مہینے میں 31 کلو وزن کم کرلیا۔۔ جانیے اس لڑکی نے موٹاپا کم کرنے کے ساتھ اصلی گھی کے کیا حیرت انگیز فائدے بتائے

میرا وزن 97 کلو تھا اسے کم کرنے میں اصلی گھی نے میری بہت مدد کی۔ اس سے نہ صرف میرا موٹاپا کم ہوا بلکہ کمزوری بھی نہیں ہوئی۔ صرف 4 مہینے میں وزن 31 کلو کم ہوگیا۔ اسکن بھی اچھی اور چمکدار ہوگئی ہے۔ میں صرف دیسی گھی میں پکے کھانے کھاتی تھی

یہ کہنا ہے بھارت سے تعلق رکھنے والی ڈینٹسٹ ڈاکٹر پراکشی تلوار کا۔ ڈاکٹر پراکشی کو آرمی میں جاب کے سلسلے ٹیسٹ دینا تھا جس کے لئے ان کا موٹاپا سب سے بڑی رکاوٹ تھی لیکن انھوں نے ہمت نہیں ہاری اور ڈاکٹر کے مشورے سے اپنا وزن کم کرنے کا پلان بنایا۔ اس پلان میں ڈاکٹر نے انھیں عام تیل کے بجائے اصلی اور دیدی گھی میں کھانا پکانے کا مشورہ دیا۔

ڈاکٹر پراکشی کہتی ہیں کہ صبح کے ناشتے اور رات کے کھانے میں وہ صرف اصلی گھی میں پکے کھانے ہی کھاتی تھیں لیکن اس کے ساتھ سخت ورزش اور واک کرتی تھیں اور باقی کھانے بغیر چکنائی اور نمک مرچ کے کھاتی تھیں۔ ڈاکٹر پراکشی نےوزن کم کرنے کے لئے دوپہر میں کھانا کھانا ترک کردیا تھا۔ ان کا کہنا ہے کہ بے وقت کی بھوک سے لڑنے میں دیسی گھی نے ان کی بہت مدد کی کیوں کہ اس سے پیٹ ہر وقت بھرا ہوا رہتا تھا۔

دیسی گھی کی غذائی اہمیت

دیسی گھی میں وٹامن اے، وٹامن کے اور وٹامن ڈی کے علاوہ گڈ فیٹس اور دیگر معدنیات شامل ہوتے ہیں۔ دیسی گھی اینٹی آکسیڈینٹس سے بھرپور ہوتا ہے۔

دیسی گھی کے دیگر فائدے

دیسی گھی کے اندر پایا جانے والا بیوٹریٹ نامی فیٹی ایسڈ جسم کے اندرونی ورم کو کم کرنے میں مددگار ہے۔
کونجوگیٹڈ لائینولک ایسڈ نامی جز جسم کی چربی پگھلانے میں اہم کردار ادا کرتا ہے
وٹامن اے اور کے کی موجودگی سے دل اور آنکھوں کو فائدہ ہوتا ہے۔ یہ وٹامنز جلد کے لئے بھی مفید ہیں البتہ اس استعمال اعتدال میں ہی کیا جانا چاہیے۔