جلد کے مسائل اور شوگر کنٹرول ۔۔ جانیئے مرغی کے پنجوں کو کھانے سے کون سے فائدے ہوتے ہیں؟

مرغی کا گوشت ہمارے یہاں کھائے جانے والا سب سے زیادہ گوشت ہے، کیونکہ یہ سب ہی شوق سے کھاتے ہیں اور اس سے مختلف ڈشز بھی بناتے ہیں۔ اور اب تو سردیاں بھی آنے والی والی ہیں تو اس کی خریداری اور فروخت دونوں میں اضافہ ہوجائے گا، خاص کر چکن سوپ کی ڈیمانڈ سردی میں بڑھ جاتی ہے لیکن کیا آپ جانتے ہیں مرغی کے گوشت سے زیادہ افادیت اس کے پنجوں میں ہوتی ہے؟

ماہر ڈائٹیشن ڈاکٹر عارفہ نقی کہتی ہیں کہ: "مرغی میں کسی مرض کی افادیت نہیں بلکہ یہ صرف غذا کی کمی کو پورا کرنے اور پیٹ بھرنے کے لئے استعمال ہوتی ہے، البتہ اس کے پنجوں میں موجود افادیت اگر کسی کو معلوم ہو جائے تو وہ لازمی ان کا استعمال کرے"۔

مُرغی کے پنجے استعمال کرنے کے فائدے کیا ہیں؟

ہڈیاں مضبوط

مُرغی کے پنجوں میں سے ایک گُودا نکلتا ہے جسے استعمال کرنے سے ہڈیاں مضبوط ہوتی ہیں اور وہ لوگ جنہیں فالج کا مرض ہے ان کے لئے یہ پنجے اور ان کا سوپ بہت فائدے مند ہے۔

بلڈ پریشر اور شوگر

یہ ہائی بلڈ پریشر اورہائی بلڈ شوگر کو کنٹرول کرنے اور جسم میں انسولین کی مقدار کو برقرار رکھنے میں مدد دیتے ہیں۔

درجہ حرارت

پنجوں میں پروٹین، کیلشیئم، کولیجن اور سخت کارٹیلیج پائے جاتے ہیں جو جسم کو سردی سے بچانے اور باہر کے درجہ حرارت پر رہنے کی صلاحیت دیتے ہیں۔

جلد کے مسائل

ان پنجوں کو ناکارہ سمجھ کر پھینک دیا جاتا ہے مگر یہی پنجے آپ کی جلد کو خوبصورت اور چمکدار بنانے کے ساتھ ساتھ سردیوں میں خُشکی سے بچاتے ہیں۔ ان کے استعمال سے جلد میں کولیجن نامی مادہ زیادہ سرائیت کرتا ہے جو اچھی جلد کے لئے بہت ضروری ہے۔ اس سے رنگ بھی گورا ہوتا ہے اور بال بھی لمبے گھنے ہوتے ہیں۔

By Salwa  |   In Health and Fitness  |   0 Comments   |   1314 Views   |   14 Nov 2022
Related Articles
Top Trending
Comments/Ask Question

Read Blog about جلد کے مسائل اور شوگر کنٹرول ۔۔ جانیئے مرغی کے پنجوں کو کھانے سے کون سے فائدے ہوتے ہیں؟ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (جلد کے مسائل اور شوگر کنٹرول ۔۔ جانیئے مرغی کے پنجوں کو کھانے سے کون سے فائدے ہوتے ہیں؟) and how to utilize other natural ingredients to cure diseases, easy recipes, and other information related to food from KFoods.