چھوٹا تھا تو پاپا نے کھلونے دیے بڑا ہو کر میں نے اپنا جگر دے دیا.. موت کے منہ میں جاتے باپ کی جان بچانے والے عظیم بیٹے کی کہانی

"جب میں چھوٹا تھا تو پاپا نے مجھے کھلونا لا کر دیا پھر بڑا ہوا تو کار دلائی. اسی طرح جب پاپا کو میری ضرورت تھی تو میں نے اپنا جگر انھیں دے دیا. یہ میرا فرض تھا"

یہ کہنا ہے 24 سالہ راہول پاٹھک کا جن کا تعلق بھارت سے ہے. راہول نے حال ہی میں اپنے والد کو جگر کا عطیہ دیا ہے. ویڈیو دیکھیں.

راہول کا کہنا ہے کہ "جنوری 2023 میں اچانک مجھے ایک فون آیا کہ پاپا کی طبیعت ٹھیک نہیں ہے۔ وہ پچھلے 5 سالوں سے جگر کے انفیکشن میں مبتلا تھے۔ ڈاکٹر کہتے رہے، سب ٹھیک ہو جائے گا۔ لیکن ان کی طبیعت خراب ہونے لگی اور آخر ایک دن ڈاکٹروں نے کہا کہ پاپا کو جگر کی پیوند کاری کی ضرورت ہے۔

میں جلدی سے اپنے آبائی شہر واپس آیا۔ پاپا کمزور تھے، ان کا وزن بہت کم ہو گیا تھا اور ان کے جگر کے قریب بہت زیادہ سوجن تھی۔ انھیں دیکھ کر میرا دل ٹوٹ گیا۔ لیکن ایک 'عام' ہندوستانی باپ اور بیٹا ہونے کے ناطے ہمیں کبھی بھی یہ نہیں سکھایا گیا کہ اظہار کیسے کریں۔ تو، ہم نے صرف ایک دوسرے کو دیکھ کر سر ہلایا اور رات کا کھانا کھانے بیٹھ گئے۔ اس کے بعد سے، ہماری زندگی ہسپتالوں اور ٹیسٹوں کے گرد گھومتی رہی۔ اور ہر ڈاکٹر نے صرف ایک ہی بات کہی کہ ان کا لیور ٹرانسپلانٹ کے ذریعے ہی علاج ممکن ہے. میری ماں اور بہن اپنے جگر کو عطیہ کرنے کے خواہشمند تھے۔ لیکن میں انہیں ایسا کرنے سے روک دیا. چنانچہ جون میں، میں چپکے سے ڈاکٹر کے پاس گیا اور کہا کہ پاپا کو میں اپنا جگر عطیہ کروں گا. اس فیصلے سے میرے گھر والے زیادہ خوش نہیں تھے، پاپا نے کہا تمھارے آگے پوری زندگی ہے۔ لیکن میں نے ان کی بات نہیں سنی. ٹرانسپلانٹ لر 85 لاکھ کے قریب لاگت آنی تھی. لہذا، ہم نے اپنی ساری جمع پونجی نکالی اس کے علاوہ 22 لاکھ کا قرض بھی لیا۔ آخر کار، مجھے آپریشن سے پہلے 1 ماہ تک نگرانی میں رکھا گیا۔

ہر دوسرے دن، مجھے سوئی لگائی جاتی یا اسکین کے نیچے رکھا جاتا تھا، لیکن پاپا کی صحت کے سامنے درد کچھ نہیں تھا۔ اور 10 جولائی کو مجھے آپریشن تھیٹر لے جایا گیا۔ میں صرف پاپا کے ٹھیک ہونے کو دیکھ کر جاگنا چاہتا تھا۔ 2 دن بعد مجھے ان سے ملنے آئی سی یو لے جایا گیا۔ ہم دونوں نے ایک دوسرے کی طرف دیکھا اور مسکرا دیے۔ آپریشن کامیاب رہا لیکن کسی وجہ سے میرے بائیں ہاتھ میں شدید بے حسی ہو گئی۔ مجھے 2.5 ماہ تک فزیوتھراپی کرانی پڑے گی۔ پاپا بہت پریشان ہیں وہ مجھے چیک کرنے میرے کمرے میں آتے ہیں. انھوں نے ماں سے کہا، 'میں پھر کبھی راہول کی آنکھوں میں نہیں دیکھ سکوں گا۔' لیکن میں پاپا کو صحت مند دیکھ کر خوش اور مطمئن ہوں.